नेपाःया राष्ट्रिय संवत् नेपाल संवत् ११३१ या न्हूदँया विशेष
नेपाःया छगू जक राष्ट्रिय संवत् नेपाल संवत्या न्हूदँ जनस्तरं तःजिक हना वायाच्वंगु दु । नेपाःया राष्ट्रिय संवत् नेपाल संवत्यात आः तक नं राज्य स्तरं छुं नं कथंया औपचारिक ज्याझ्वःयानाः हंगु खने मदुिन । नेपाल संवत्या न्हूदँ खुन्हु आः तक नं न्हूदँया सार्वजनिक विदा धकाः घोषणा याःगु मदुिन ।
नेवाःतय्सं न्ह्याकूगु नेपाल संवत्या आन्दोलन स्वनिगलय् जक मखु स्वनिगःया गां गामय् नापं स्वनिगलं पिने नं थीथी ज्याझ्वःयानाः थुगुसी न्हूदँ नेपाल संवत् ११३१ तःजिक हन । थाय् थासय् नेवाःतय्सं सांस्कृतिक जुलुस पिकयाः तुच्चा ज्याझ्वः यानाः मोटरसाइकल र् याली यानाः नेपाल संवत्या प्रवर्तक राष्ट्रिय विभूति शंखघर साख्वाःया झ्वाता उलेज्या यानाः नापं थीथी ज्याझ्वः यानाः न्हूदँ तःजिक हनेगु यात । लाखौं नेवाःत छन्हुं हे सतकय् क्वहां वइगु न्हूदँयात छगू कथं नेवाः एकताया ब्वज्याया रुपय् नं कया हयाच्वंगु दु । थुगुसी नेपाल संवत्या न्हूदँ तःजिक हनेगु झ्वलय् थीथी ज्याझ्वःयागु यात थन किपाः विशेष कथं न्ह्यब्वयाच्वना ।
