प्रधानमन्त्रीया गैरसंवैधानिक अभिव्यक्ति

कतांमरि सरकारया कामचलाउ सरकारं राजीनामा बियाः नं पद मुक्त जुइमफैच्वंम्ह प्रधानमन्त्री माधवकुमार नेपालं न्हूम्ह प्रधानमन्त्री मवःगु स्थितिइ थःगु फुक्कं कार्यकारिणी अधिकार राष्ट्रपतियात लःल्हायेगु धकाः गुगु अभिव्यत्ति बिल व पूर्णत गैरसंवैधानिक व गैर राजनीतिक खँ बाहेक मेगु छुं नं मदु ।
नेपाःया अन्तरिम संविधानय् थुगु कथं कार्यकारिणी अधिकार सुइतं लःल्हायेगु अधिकारया व्यवस्था यानातःगु मदु । संविधानय् व्यवस्था हे यानामतःगु खँय् थुगुकथं प्रधानमन्त्रीया अधिकार हस्तान्तरण यायेगु खँ ल्हायेगु धयागु भ्याःहे हिसि दुगु खँ मखु । थुकियात कयाः नेपाली कांग्रेसया वरिष्ठ नेता शेरबहादुर देउवां प्रधानमन्त्री नेपालया उगु गैरसंवैधानिक अभिव्यक्तियात कयाः आक्रोश नापं प्वंकूगु जकमखु स्पष्टीकरण कायेमाःगु खँय् बहः ब्यूगु दु । स्पष्टीकरण काइ वा मकाइ - थ्व अलग्ग खँ जुल । तर प्रधानमन्त्री नेपालया उगु अभिव्यक्ति स्पष्ट छन्हु न्ह्यः नेमकिपाया नायः नारायणमान बिजुक्छेँया ब्वनाय् भ्वय् नयावःगुया प्रभाव खः धयागु खँय् धाःसा शंका याये थाय् मदु । प्रधानमन्त्री नेपालया थुगु अर्थय् गैरसंवैधानिक अभिव्यक्तिं बिजुक्छेँया नेपालय् राष्ट्रपतीय शासन लागू यायेमाः धयागु पूर्व अभिव्यक्तिनाप सत्तिइ । वर्तमान राजनीतिक गतिरोधयात राष्ट्रपतीय शासन याकाः नेपालय् शान्ति व सुव्यवस्था वइ धयागु बिजुक्छेँया धापूितं लोकतन्त्रयात याकनं कमजोर यानाः नेपालय् नकतिनि वःगु शिशु गणतन्त्रयात धरापय् तयेगु वर्तमान शान्ति प्रकि्रया व न्हूगु संविधान व नं सुइगुं प्रायोजनया रुपय् दयेके मबीगु चालकथं मनूतय्सं कायेगु यानाहःगु दु । संविधानसभायात खारेज यानाः न्हूगु संविधान दयेकेगु धयागु क्रान्तिकारी व जनपक्षीय संविधान मखु २०४७ या संविधानयात हे न्हूगु ख्वालं पित हयेगु खः । बिजुक्छेँ व प्र.म. नेपालया धापुितं थुज्वःगु हे षड्यन्त्रया आभाष बियाच्वंगु दु ।

खय्तला वर्तमान राजनीतिक अवरोध चीकेगु स्वयाः न्हूगु संविधान व शान्ति प्रकि्रया थासय् थ्यंकेत कुतः जुयाच्वंगु दु । तर नेपाली कांग्रेसया हे कारणं वर्तमान राजनीतिक गतिरोध चीकाः सहमतीय सरकार गठन प्रकि्रयाय् नं थःगु जक खँ मजुसे न्हू दिल्लीया इशाराय् हे कांग्रेसी संसदीय दलया नेता रामचन्द्र पौडेलं संविधानसभायात ई छ्यायेगु लोहंमा दयेकाः वयाच्वंगु खः । थुज्वःगु अवस्थाय् सरकार चलय् यायेत माःगु धेबाया अभाव पूर्ति यायेत एमालेया अर्थमन्त्रीं थःगु हे पहलय् बजेट हयेत स्वयाच्वंगु । तर सरकार परिवर्तन मजुइकं बजेट हयेगु लोकतान्त्रिक पद्धत्ति मूल्य व मान्यताया अःखः जुइगुिलं माओवादी लगायत लोकतान्त्रिक शक्तितय्सं अन्तरिम संविधान संशोधन यानाःसां बजेट हयेफैगु खँय् बहः बियामच्वंगु नं मखु । तर वर्तमान सत्तापक्षया राजनीतिक दलतय्सं सहमतिया राजनीति दयेकेगु पलेसा ०१७ साल वा माघ १९ या घटनायात ब्वनेत स्वयाच्वंगु स्वये नेपालय् हिउपाः थुिपं दत्तले मवइगु हे खःलाकि - जनतां न्ह्यसः जकमखु शंका यानाच्वंगु दु । राष्ट्रपतीय शासनं राजनीतिक समस्याया समाधान मखु मेगु हे दुराग्रहया श्रृंखलात न्ह्याइ । थ्व खँय् संसदीय दलाल राजनीतिक दलतय्सं बिचाः तकं याःगु खैमखु ।

More Stories Like this