थौं निगूगु चरणया गोप्य मुँज्या
येँ (झीगु स्वनिगः)
राजनीतिक गतिरोध अन्त्यया निितं धकाः संविधानसभाया मूमू राजनीतिक दल एकीकृत माओवादी नेपाली कांग्रेस व एमालेया शीर्ष नेतातय्गु निगूगु चरणया मंकाःगु गोप्य मुँज्या थौं नं येँय् नं दक्षिणपाखे लाःगु सेतिदेवी गाविसया हात्तिवनया रिसो्रटय् च्वनीगु जूगु दु । उगु गोप्य मुँज्याय् एकीकृत माओवादीया नायः पुष्पकमल दाहाल प्रचण्ड नेपाली कांग्रेसया सभापति सुशिल कोइराला एमालेया नायः झलनाथ खनाल नापं उगु स्वंगू हे दलया न्याम्ह न्याम्ह नेतातय्सं ब्वति कयादी धकाः धाःगु दु ।
न्हूगु सरकार निर्माण न्हूगु संविधान निर्माण शान्ति प्रकि्रया सेना समायोजन नापं थीथी विषयसं प्याकेजं हे सहमति यायेगु निितं धकाः स्वंगू मूमू दलया नेतातय्गु दथुइ अथे मुँज्या च्वनेत्यंगु खः । थ्वसिबें न्ह्यः वंगु सुक्रवाः व शनिवाः निन्हुयंकं हे उगु हे लागाय् स्वंगू दलया न्याम्ह न्याम्ह नेतातय्गु दथुइ न्हापांगु चरणया गोप्य मुँज्या च्वंगु खःसा उगु मुँज्यां थौं २४ गते निगूगुचरणया गोप्य मुँज्या च्वनेगु धकाः सहमति याःगु खः ।
राजनीतिक गतिरोध अन्त्यया निितं जुइगु धाःगु उगु गोप्य मुँज्या जुइगु लागाय् स्वंगू हे दलया कार्यकर्ता नापं संचारकर्मीतय्त तकं दुकायेगु मयाः ।
