सकलें मिले जुयाः संविधान दयेके - किरण

येँ (झीगु स्वनिगः)

एकीकृत नेकपा माओवादीया वरिष्ठ न्वकु मोहन वैद्य किरणं जनआन्दोलनया उपलब्धीतय्गु रक्षा यायां जनताया अधिकार सुनिश्चित यायेत फुक्क दलत मिलय् जुयाः न्हूगु संविधान दयेकेगु आवश्यक दुगु धयादीगु दु ।
म्हिगः नेवाः राष्ट्रिय मुक्ति मोर्चा नेपाः व नेवाः मंकाः दबूया मंकाः ग्वसाः ग्वःगु िभंतुना कालबिल व तुच्चा ज्याभुवलय् वय्कलं अथे धयादीगु खः ।
छुं नं देशय् आयातित व गैरसरकारी संस्थां ब्यूगु सुझावया लिधँसाय् मखु वर्गीय जातीय मिसा दलित राष्ट्रियताया समस्यायात चीकेत मौलिक संविधान मदयेक मगाः धयादिसें वरिष्ठ न्वकु किरणं स्वंगू दलया दथुइ गम्भीर खँल्हाबल्हा जूसां सहमति जुइपुूगु मदु धयादिल ।
पुलांगु शक्तिं न्हूगु शक्तियात आत्मसमर्पण याकेत स्वयाच्वंसां जनताया लागि ल्वानां च्वनेगु प्रतिबद्धता प्वंकादिसें किरणं - नेवाःतय्गु नं न्हूगु संविधान दयेकेगु ज्याय् तःधंगु भूमि दैगु खँ कनादिल ।

लिच्छविकालिन राजतन्त्रया अन्त्य यायां गणतन्त्रया पुसा बीगु ज्याय् जनताया त्यासा पुलाः राष्ट्रिय विभूति शंखधर साख्वाःया चर्चा यानादिसें नेपाः राष्ट्रिय पार्टीया नायः डा. केशवमान शाक्यं - नेवाःतय्सं तिब्बत भारतनाप व्यापार यायेगु भुवलय् दयेकूगु नेपाल मण्डलयात पलिस्था याःथें आः जुइगु नेवाः स्वायत्त राज्य नं उगु हे कथं दयेके माःगु खँय् बहः बियादिल ।

अथेहे एमालेया केन्द्रीय दुजः राजेन्द्र श्रेष्ठं - संघीयताया खँ ल्हाःसां छुं पार्टीया शीर्ष नेतािपंसं वहे कथं व्यवहार यायेमफुगु द्वपं नापं बियादिल ।
ज्याभुवलय् नेवाः राष्ट्रिय मुक्ति मोर्चाया नायः व एकीकृत नेकपा माओवादीया स्थाइ समितिया दुजः हितमान शाक्य सुमन दिलबहादुर श्रेष्ठ पोलिटब्यूरो दुजः हिसिला यमि नेवाः देय् दबूया संरक्षक मल्ल के। सुन्दर लगायत व्यक्तििपंसं थःथःगु बिचाः प्वंकादीगु उगु ज्याभुवलय् आपालं कार्यकर्तात लिसलिसे आपालं हनेबहःिपं भाजु मय्जुिपंनिगु ब्वति दुगु खः ।