जापानय् न्हूदँ व म्हपुजा
नेपाल संवत् ११३१ न्हूदँया लसताय् जापनय् भिंतुना कालबिल ज्याझ्वः जुल । नेवाः जागरण मञ्च जापानया ग्वसालय् न्हूदँ कुन्हु उगु ज्याझ्वः जूगु खः ।
मञ्चया नायः सनिल कुमार शाक्यया सभापतित्वय् जूगु ज्याझ्वलय् जापनया निंतिं नेपाःया राजदूत डा. गणेश योञ्जन तामाङं नेपाल संवत् नेपाःया मौलिक संवत् जूगु खँय् बः बियादिसें थुकीयात न्हिया न्हिथं छ्यलेगु कथं व्यवहारिक दयेकेत आवश्यक जूगु धयादिल ।
तोक्योया मण्डला रेष्टुरेन्टय् जूगु ज्याझ्वलय् नेपाल आदिवासी जनजाति महासंघ तोक्योया नायः ध्रुव भट्टचन, नेवाः वर्ल्ड अर्गनाइजेसन तदर्थ समितिया न्वकू सुर्वन बज्राचार्य, नेपाल जन सम्पर्क समिति जापनया सल्लाहकार गणेश प्रशाद नेपाल लगायतं नेपाल संवत्यात राष्ट्रिय स्तरं पुनःबहाली यायेमाःगु धयादिल ।
अथेहे स्वन्ति नखःया लसताय् तोक्योलय् हे नेवाः परम्परा कथं म्हपुजा नं याःगु दु । न्हूदँया ज्याझ्वः लिपा नेवाः अन्तराष्ट्रिय फोरमया ग्वसालय् म्हपुजाया ग्वसाः ग्वःगु खः ।
(किपा : लुम्बिनी बज्राचार्य)
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
