थेच्वय् नं हन न्हूदँ

नेपाल संवत् ११३१ न्हूदँया लसताय् थेच्वय् नं भिंतुना र्‍याली पिदन । थेच्व महिला जागरण वचत तथा ऋण सहकारी संस्था लि. व थेच्व महिला जागरण समूहया मंकाः ग्वसालय् थ्व र्‍याली पिदंगु खः।

थीथी लोकंह्वाःगु नेवाः बाजंत धिमे, धाः व बाँसुरी पुयाः र्‍याली चाः ह्यूगु खःसा आपालं मिसातय्सं परम्परागत नेवाः वसः पुनांवःगु खः । र्‍याली थेच्वगां चाःहिला क्वचायेकूगु खः ।

अथेहे न्हूदँया हे लसताय् हःपाः पुचः, थेच्वया ग्वसालय् मोटरसाइकल र्‍याली नं पिदंगु खः । मोटरसाइकल र् याली न्हापां थेच्व देय् चाःहिलाः अनं बुंगः, खोना, किपू, वसन्तपू, लुभु, थैब, जल, थसि, बाडेगां (वर्मे) व वादे (चापागाउँ) जुयाः थेच्वय् क्वचायेकूगु थेच्वया महेश महर्जनं नेपालमण्डलयात जानाकारी बियादिल ।