टोखाय् नं न्हूदँ हन

नेपाल संवत् ११३१ न्हूदँया लसताय् टोखाय् नं भिंतुना र्‍याली पिदंगु दु । नेवाः गुथि, टोखाया ग्वसालय् सुथय् ८:३० ताः इलय् गणेद्यःया थासं न्ह्याःगु र्‍याली गां चाःहिला हाकनं गणेद्यःयाथाय् तुं क्वचायेकूगु खः । र्‍याली क्वचायेवं सगं बियाः भिंतुना कालबिल याःगु खः ।

र्‍यालीइ थीथी संघसंस्थाया आपालं मनूतय्सं ब्वति काःगु खः । न्हूदँया रयाली वंगु २७ दँ न्ह्यवनिसें नेवाः गुथि, टोखां मदिक्क तःजिक साँस्कृतिक नखःया रुपय् न्ह्याकावयाच्वनागु टोखाया सुविन्द्र श्रेष्ठं नेपालमण्डलयात जानकारी बियादिल ।