थीथी जातजाति नं न्हूदँ हन

नेपाःया मौलिक संवत् नेपाल संवत् ११३१ या लसताय् थौं थीथी ज्याझ्वः यासें तःजिक हंगु दु । थ्व हे झ्वलय् यल उमनपा वडा ल्याः १ व २ या मंकाः ग्वसालय् भिंतुना र्‍याली पिथंगु दु ।

यलया २ वडाया सानेपां न्ह्याःगु उगु भिंतुना रयाली झम्सीख्यः, साँचल, राजतिर्थ, गुसिंगाः, कोपुण्डोल, बखुंण्डोल जुयाः सानेपाय् क्वचाःगु खः । र्‍याली लिपा जूगु ब:चाधंगु ज्याझ्वलय् अर्जुन तण्डुकार, गोपाल तण्डुकार, सानुकाजी तण्डुकार, राम डंगोल, राजेन्द्र थापामगरं नुगः खँ प्वंकादीगु खः ।

उगु ज्याझ्वलय् बाँसुरी खलः, धिमे खलः, पंचेबाजा, बाय्ण्ड बाजा आदि दुथ्याःगु खःसा चौधरी, थारु, मगर, क्षेत्री आदि जातजाति तय्सं ब्वति काःगु खः ।