न्हूदँया लसताय् धनकुटाय् भिंतुना कालबिल ज्याझ्वः

नेपाल संवत्या न्हूदँ हनेगु झ्वलय् स्वनिगलय् जक मखसें स्वनिगलं पिने नं थीथी ज्याझ्वःया जुयाच्वंगु दु । थ्वहे दथुइ थौं धनकुटाय् झी पुचः पाखें न्हूदँ ११३१या लसताय् भिंतुना कालबिल ज्याझ्वः यात ।

भिंतुना कालबिल ज्याझ्वलय् मूपाहाँ नेवाः देय् दबूया नरेश ताम्राकारं न्हूदँया आन्दोलनयात आः नेवाः स्वायत्त राज्य प्राप्ति कथं नं यकेमाःगु खँय् बः बियादिसें नेवाः राज्य पिने दुपिं नेवाःतय् स्थितिया बारे चर्चा यानादीगु खः ।

उगु ज्याझ्वलय् पुचःया पुलांम्ह नायः शीव नारायण प्रधानं थःगु पदभार न्हूम्ह नायः राजन श्रेष्ठयात लःल्हानादीगु खः ।

अथेहे थौं हे नेपाल संवत् ११३१या लसताय् इलेभेन ब्रदर्सं पाल्पाया तानसेनय् मोटरसाइकल र्‍याली पिथंगु दु । र्‍याली नगर चाहिले धुंकाः नेपाल संवत्या प्रवद्धक संखधर शाख्वाया झ्वतालय् स्वाँमा क्वखायेकूगु खः ।

More Stories Like this