जेल जायेकेगु अभियान
येँ (झीगु स्वनिगः)
संघीय लिम्वुवान राष्ट्रिय परिषद् अन्तर्गत लिम्बुवान राज्य परिषदं संघीयता स्वायत्त लिम्बुवानया नितिं सरकारयाके गुलि नं जेल दु व फुक्क हे जेलय् जायेक मनूत च्वनेगु कथं गिरफ्तारी अभियाना न्ह्याकेगु तयारी यानाच्वनगु दु धकाः माचया महासचिव खगेन्द्र माखेमं धयादीगु दु ।
वइगु मंसीर १० गतेनिसें आन्दोलन यायेगु झ्वलय् १४ गते मसाल जुलुस १५ गते लिम्बुवान बन्द यायेगु नापं प्रत्येक महिनाय् १४ गते मसाल जुलुस नापं १५ गते लिम्बुवान बन्द यायेगु नापं अथे जेल जायेक मनूत च्वनेगु कथंया गिरफ्तारी अभियान तकं न्ह्याकेगु जुइ धकाः माखेमं धयादिल ।
वय्कलं निर्वाचन आयोगं न्ह्याकाच्वंगु मतदाता परिचय पत्र दयेकेगु ज्यायात गुगु नं हालतय् याके बिइगु जुइमखु धयादिसें वंगु सोमवाः उगु खँयात कयाः थःपिनि स्वम्ह नेता व कार्यकर्तातय्त प्रहरीं ज्वंगु अले अथे प्रहरीं ज्वनाः यंकूगु विरुद्ध थःपिन्सं अनिश्चित कालिन लिम्बुवान बन्दया आह्वान यानागु खःसा लिपा प्रहरीं इमित त्वःतूगुलिं अनिश्चितकालिन बन्द ज्याझ्वःयात आःया नितिं लितकयागु दु धकाः नं धयादिल ।
माखेमं जेष्ठ १४ गते न्हूगु संविधान महल धाःसा जनस्तरं हे अन्तरिम सरकार नं दयेकेगु ज्याझ्वः दु धकाः झीगु स्वनिगः यात कनादीगु दु ।
