गथे यायेगु राष्ट्रिय सहमति

- श्याम श्रेष्ठ -

दयेकेगुली छ्यलेमाःगु उर्जा गबले ध्वस्त यायेगुली खर्च जुइ उिकं विनाश बाहेक मेगु छुं दैमखु । मिलय् जुयाः छम्हय्स्यां मेम्हय्सित तिबः ब्युब्युं च्वकापाखे थाहां वनेमाःगु इलय् छम्हय्स्यां मेम्हय्सित पाखाचां कुर्केगु खेलय् लगय् जुइगु खःसा च्वकाय् सुं हे थ्यनी मखु । सकसिगुं भागय् अकल्पनिय दुर्घटना बाहेक मेगु छुं लाइमखु । माओवादी कांग्रेस एमाले व मधेशी दलतनाप यक्कों उर्जा दु । थ्व उर्जा छगू साझा सकारात्मक ज्याय् केन्द्रिकृत जुइगु खःसा थुिकं नं पंगः याउँक हे चीकेफु माःगु ज्या यायेफु ।

थ्वहे उर्जा एकीकृत जुइवं हे नेपालय् थुलि सहजतापूर्वक फुक्क संसार आश्चर्य चकित गणतन्त्र वयेपुूगु मदु । थ्वहे उर्जा संग्रहित जुल धाःसा हे निर्विघ्नतापूर्वक न्हूगु संघीय गणतान्त्रिक नेपाः दयेकेगु सम्भव जुइगु खः । तर थ्वहे उर्जा छम्हय्स्यां मेम्हय्सित अन्त्य यायेत लगय् यात धाःसा सम्भावित फुक्क बांलाःगु सम्भावनात ध्वस्त जुयाः फुक्कसिगु ल्हातय् नौ बाहेक मेगु छुं हे ल्यनी मखु । नेपालय् आः वहे जुयाच्वंगु दु ।
संविधानसभा निर्वाचनमार्फत अभिव्यक्त जनताया जनादेशय् प्रष्ट रुपय् माओवादी अगुवाइलय् सहमतीय शासन व मिलिजुली सरकारया सन्देश खः ।

तर तःधंगु गल्ति गन जुलधाःसा चुनाव जुइधुंकाः लोकतान्त्रिक मूल्य मान्यता व ताजा जनादेशकथं सर्वाधिक तःधंगु दलयात सहज सत्ता हस्तान्तरण यायेत नेपाली कांग्रेस तयार मजुल । निगूगु तःधंगु दलया शीर्ष नेतायात प्रतिकात्मक राष्ट्रपतिया पद व ल्यःगु महत्वपूर्ण मन्त्रालय बियाः सम्मानकथं कयेच्यानाः यंकेत माओवादी सहमत मजुल ।
निर्णायक शक्ति जुयां नं इलय् हे आःथें सहमतीय शासनया पक्षय् निर्णायक भूमिका म्हितूम्ह एमाले तयार मजुल । आः िसंङ्गो राष्ट्रं थ्वहे दलतय्सं याःगु भूलया प्रतिकि्रया व परिणाम भोगय् यायेमाला च्वंगु दु ।
थुकी गल्ति जनताया मखु । जागरुक नागरिक समुदायं थुज्वःगु गल्ति यायेमते सहमतीय शासन छुं नं हालतय् स्यंकेमते धकाः इलय् हे माक्को खबरदारी याःगु नं खः । तर आः इमिगु महाभूलया लिच्वःया रुपय् अन्तहिन अन्यौल अराजकता व अशान्ति फुक्क नागरिकं भोगय् यायेमालाच्वंगु दु ।
गल्ति यायेत छपु कत्थि दयेकेत मेगु मदये माःगु खः तर जुयाच्वंगु दु । विगतय् प्यपुनाः च्वनेगु मन्दबुद्धिया लक्षण खः । बुद्धिमत्ता ला विगतया बेठिकं सयेकाः वर्तमानय् िभंकेगु खः । भविष्यय् बेठिक दोहरे मयायेगु खः । नेपाःया आःया राजनीतिया मुख्य विकृति छु खः धाःसा सुं नं नेता विगतया प्रतिशोध व प्रतिकि्रयाया मानसिकतां मुक्त खनेमदु । उगु प्रतिशोध व प्रतिकि्रयाया मिइ च्यानाः थौंतक्क ल्हातय् वःगु फुक्क उपलब्धी व िसंङ्गो देशया उज्ज्वल सम्भावनां सखाप जुइगु लक्षण खनेदयाच्वंगु दु । तर उकी इमिगु छुं नं च्यूताः मदु । इमिसं विगतय् ला बेठिक यात यात वर्तमानय् झन् बेठिक यानाच्वंगु दु व भविष्य सर्वनाश यानाच्वंगु दु ।

थथे यायेगु महामूर्खता खः । प्रतिशोध व प्रतिकि्रयाया मानसिकतां पिहांवयेत तयार जुइगु खःसा आः नं न्हापाया गल्ति िभंकाः पुनः सहमतिया शासनय् लिहांवनेगु उपाय मदुगु मखु । तर अथे यायेत सकसिगुं उर्जा छम्हय्स्यां मेम्हय्सित निषेधय् खर्च यायेगु ज्या बन्द यायेगु जरुरी जुइ । माओवादीं थःगु मुख्य शत्रु नेपाली कांग्रेसयात तायेकेगु व नेपाली कांग्रेसं थःगु प्रहारया प्रमुख लक्ष्य माओवादीयात दयेकेगु त्वःतेमाः । एमालेयात सत्ताय् वनेत अःपुइ धकाः बिचाः याइगु व न्ह्याबलें अवसरया ल्यू ल्यू वनेगु प्रकृतिया अन्त्य जुइमाः ।
नेपालय् अर्थतन्त्र व राजनीतिइ समाज व संस्कृतिइ आः नं विद्यमान सामन्तवादया अवशेषयात व २०४६ सालतक्क नेपालय् अभ्यास जूगु विकृत बजार अर्थतन्त्रमुखी पूँजीवादयात मदयेकेत व नेपालय् समता व सामाजिक न्यायमुक्त लोकतान्त्रिक समाजवाद स्थापना यायेगु फुक्कसिगु साझा लक्ष्य जुइमाः । थुज्वःगु यायेफैगु मूर्त वैचारिक व संवैधानिक आधार विस्तृत शान्ति सम्झौता व आन्तरिक संविधानं स्वंगू हे थरियात ब्यूगु दु । माओवादी एमाले व फुक्क वामपन्थीं नवायेगु च्वयेगु भेला जुइगु संगठन दयेकेगु व्यक्तिगत आय आर्जन यायेगु बहुदलीय प्रतिस्पर्धा यायेगु आवधिक निर्वाचन यायेगु थौंया आधारभूत पूँजीवादी लोकतान्त्रिक मूल्यतय्त सामाजिक सुरक्षा शिक्षा स्वास्थ्य रोजगारीया मौलिक हक समता व सामाजिक न्याय लोककल्याणकारी राज्य एकाधिकार व शोषण उत्पीडन विरुद्ध राज्यं हस्तक्षेप यायेगु हक व सामन्तवाद उन्मूलन यायेगु प्रगतिशील भूमि सुधार यायेगु व गणतन्त्र स्थापना यायेगु खँ स्वीकार यायेगु थुिपं स्वंगू कथंया मिलन विन्दु थ्वहे खः ।
विस्तृत शान्ति सम्झौता व अन्तरिम संविधान थ्वहे मिलन विन्दुइ सम्झौता यानाः दनावःगु खः । तर राजतन्त्रया अन्त्यलिपा फुक्क प्रमुख दलतय्सं गल्ति गन यात धाःसा शान्ति सम्झौताया बच्छि लँ मपुइकं छम्हय्स्यां मेम्हय्सित मू शत्रु तायेकल ।

छम्हय्स्यां मेम्हय्सित निषेध यायेत सन । सत्ता साझेदारीयात ध्याक्वय् वांछ्वयेगु यात । थःगु साझा प्रहार लक्ष्य व साझा ज्या लोमंकेत स्वल । कांग्रेस व एमालेया नेतृत्वं माओवादीयात स्वयाः न्हूदिल्ली व भद्रकाली जंङ्गी अड्डायात लिक्क लाःम्ह पासा थुइकल व माओवादीया नेतृत्वं कांग्रेस व एमाले स्वयाः समाजया मण्डले कुण्डलें दूषित तत्वतय्त थःत बचय् यायेत स्वयेगु समकालिन नेपाली राजनीतिया विचलन व चरम विकृति खः । आः राष्ट्रिय सहमति दयेकेगु मू उपाय थ्वहे विचलन व विकृतियात अन्त्य यायेगु खः । निम्हय्स्यां थःगु गलत पासा हिलेधुंकाः जक सहकार्यया निितं सही मित्रताया बल्लाःगु आधार तयार जुइफु । थुगु स्थितिइ आः सामान्य विकल्पं नेपालय् राष्ट्रिय सहमति दयेकेत अःपुइथें मच्वं । छाय् धाःसा देशया स्थिति व थःथवय् मनमुटाब तसकं हे अप्वः जुइधुंकूगु दु । असामान्य उपाय नालेत तयार जूसा सहमति जुइफु । आः स्वंगू प्रमुख दलत जक दयां मगाः मधेशी दलत नं दुथ्यायेमाः ।

थुकिया निितं माओवादीया नेतृत्वय् मिलिजुली सरकारया गठन व थुयान्ह्यः न्यागू पक्षया गोलमेल सम्मेलन यायेमाः । थुकी स्वंगू प्रमुख दल मधेशी दलत व नागरिक समाजया प्रतिनिधित दुथ्यायेमाः । विवाद सम्बन्धी दक्को खँय् थन छलफल यानाः सहलह ब्याकेफु । मेगु खँ चक्रीय सत्ता साझेदारी प्रकि्रया न्ह्याकेज्यू । थुकिया निितं संविधान मच्वःतले माओवादीया नेतृत्वया सरकार थुयालिपा मेगु चुनाव मजूतले नेपाली कांग्रेस व थुयालिपा एमालेयात बीफु । लाया प्र।म। यायेगु नं मेगु विकल्प मदु । एमालेया नेतृत्वय् सरकार दयेकल धाःसा माओवादीयात मू निगू मन्त्रालय व उप प्र।म। बीगु । कांग्रेसयात मू मू मन्त्रालय बीगु व मधेशीतय्त नं गच्छेकथं मन्त्रालय बीगु जुइ ।
मेगु साझा व्यत्तित्वया नेतृत्वय् सरकार गठन यायेगु खः । थुकी छुं नं दलया मू नेतात सरकारय् वनीमखु । ईपं दक्कों संविधान दयेकेगुली जक च्वनी । तर थ्व खँ अन्तरिम संविधानय् च्वयातःगु मदु । आः ल्यं दनिगु छुं महिना संविधान दयेकेगुली व्यस्त जुलधाःसा इलय् हे संविधान दयेके फै । मखुसा नेपालय् शान्ति प्रकि्रया व संविधानसभा असफल जुइगु निश्चित खः ।

More Stories Like this