कांग्रेस दुने हानं कचवं

नकतिनि झिक्वःगु महाधिवेशन यानाः क्वचायेकूगु नेपाली कांग्रेसया न्हापांगु ज्यासना पुचःया मुँज्या नं क्वचायेकाः अनिश्चितकाल तक्कया निितं दिकूगु दु । कांग्रेस पार्टीया वरिष्ठताय् कृष्णप्रसाद व गिरिजा धुंकाः स्वंगूगु थासय् लाःम्ह देउवायात केन्द्रीय दुजलय् सभापितं नियुक्ति याःगु दुसां सभापतिया अधिकारय् अप्रत्यासितरुपं अप्वयेकेगु प्रस्ताव वयेवं कांग्रेस दुने छगूकथं भाँडभैलो मच्चय् जूगु दु । देउवाया पुचः थुगुकथं सभापतिया अधिकार अप्वयेकेगु खँय् तःधंगु असन्तोष जक मदु आपत्ति प्वंकूगु दु ।

सभापतिया पदय् देउवा बुनाः शुसिल कोइराला त्यायेवं एकताया नारा ब्यूगु महाधिवेशन नं छगू कथं असफल हे जूगु दु । पार्टीया छुं महत्वपूर्ण पद दयेमाःगु खँय् देउवापक्षं गुलि नं बहः बिल उकियात कयाः सभापति कोइरालां अस्वीकार यायेवं महाधिवेशनं ब्यूगु एकताया नारा बकं फुस्लुगु हे साबित जूगु दु ।
प्रधानमन्त्री उम्मेदवार जुयाः याकःचा ब्वां वनाच्वंम्ह संसदीय दलया नेता रामचन्द्र पौडेलं तत्काल नां लितकयाः न्हूगु सरकार दयेकेत लकस दयेका मब्युगुिलं थौंया राजनीतिक अवरोधया कारण नेपाली कांग्रेस जुयाच्वंगु खँय् आम नेपाःमि जनतां आक्रोश प्वंकाच्वंगु दु । कांग्रेस - एमाले गठबन्धन कमजोर मजूगु इलय् सहमतिया निितं एमालेया प्रधानमन्त्रीया उम्मेदवार झलनाथ खनाल चुनाव प्रकि्रयां पिहांवनेवं माओवादी पार्टीया नायः पुष्पकमल दाहाल प्रचण्डं नं नां लित कायेगु ज्या जुइवं सहमतिया वातावरण बनय् जुइगु खँय् नेपाःमि जनतां विश्वास याःगु खः । तर आः वयाः कांग्रेसी उम्मेदवार पौडेलया कारणं सहमतिया ज्याय् पंगः दनाच्वंगु दु ।
कांग्रेसी ज्यासना पुचःया मुँज्याय् नं थुगु खँय् छलफल यायेत स्वःसां पदाधिकारीिपंसं छलफल याकेमब्यूगु खः । तर पौडेलयात नां लित कायेकेगु पलेसा कार्यसमिितं पौडेलयात हे निरन्तरता बियाच्वनेगु मनसाय क्यनेत स्वःगु दु ।
देउवाया पक्षं पौडेलया नां लित मकाइगु पदाधिकारीतय्गु हे मनस्थितियात ध्यानय् तयाः थःपिनिगु म्हुतुइ नं धौ फीगु ज्या याःगु दु । नापं पौडेलया विकल्प बीफयेमाःगु खँ नं न्ह्यःने हःगु दु । अर्थात पौडेल संसदीय दलया नेता खयां नं उम्मेदवारी बियाः कांग्रेसं द्वंकूगु आसय प्वंकूगु खः । उिकं मॆमेिपंत उम्मेदवारी बीकूगु खःसा कांग्रेसी उम्मेदवार त्याइगु सम्भावना देउवां खंकूगु दु । लिसें पौडेलया विकल्प बीमाः धायेगुया ल्यूने देउवा थःहे उम्मेदवारी बीगु मनसाय खः । तर थ्व खँ सम्भव मदु । प्रधानमन्त्रीया याकः उम्मेदवारीं नां लित कायेमाः धकाः सुजाता कोइराला लगायतिपंसं धया वयाच्वंसां लागू जुइगु सम्भावना म्हो हे जक खनेदु । नां लित मकासे राजनीतिक अवरोध थनाः नेपाली कांग्रेस संविधान व शान्ति प्रकि्रया विरोधय् दु परिवर्तनया विरोधय् दु धयागु सन्देश आम नेपाःमि जनताय् वनाच्वंगु खँय् कांग्रेसया हे कार्यकर्तातय्सं धाःसा नेतातय्त दुने दुने सराः बियाः आः वइगु चुनावय् कांग्रेस अज्ज जनताया मिखां कुतुंवनीगु खँप्रति धाःसा तःधंगु च्यूताः प्वंकाच्वंगु दु ।

तर केन्द्रीय सदस्यिपंत धाःसा थुकिया बारे छुं हे जानकारी तकं मदु । अथे धयागु कांग्रेसय् जनाधारय् निकट भविष्यय् तःधंगु भ्वखाय् ब्वइगु संकेट खनेदयेधुंकूगु खः ।

More Stories Like this