इन्धन ढुवानी ठप्प यायेगु घोषणा
येँ (झीगु स्वनिगः)
आन्दोलनय् क्वहां वयाच्वंगु नेपाल पेट्रोलियम ढुवानी व्यवसायी महासंघं थनिनिसें देय्न्यंकं हे पेट्रोलियम पदार्थ ढुवानी ठप्प यायेगु घोषणा याःगु दु ।
थःपिनिगु माग पूरा मजूगुिलं धकाः महासंघं देय्न्यंकं हे ढुवानी ठप्प यायेगु धकाः घोषणा याःगु खः ।
म्हिगः सोमवाः नेपाल पेट्रोलियम ढुवानी व्यवसायी महासंघ नेपाल आयल निगम व आपूर्ति मन्त्रालयया दथुइ वार्ता जूगु खः ।
वार्ता विना निष्कर्ष क्वचाःगुिलं अथे आन्दोलनय् क्वहां वयाच्वंिपं व्यावसायीतय्तसं म्हिगः सोमवाःसिबें अझ कडा रुपं थःपिन्त आन्दोलनय् क्वहां वयेत बाध्य यानाब्यूगु दु धकाः न्ह्यथंगु दु ।
व्यवसायीतय्सं थःपिनिगु माग स्वन्ति नखः तकया दुने नं पूरा मजुल धाःसा कार्तिक २८ गतेनिसें देय्न्यंक पेट्रोलियम पदार्थया ज्या ठप्प यानाबिइ धकाः ख्याच्वः नं ब्यूगु दु ।
भारतया बरौनीं इन्धन हयेदयेमाःगु व्यवसायीतय्गु मागयात निगम व आपूर्ति मन्त्रालयपाखें पूरा मयाःगुिलं हे आन्दोलनयात निरन्तरता बिइमाःगु खः धकाः महासंघं धाःगु दु ।
अथे इन्धन ढुवानी ठप्प याःगुिलं वार्ताया माध्यमं समस्या समाधान मजुल धाःसा स्वन्ति नखः जःखः इन्धन मदयाः सार्वजनिक यातायातया साधन संचालन मजुइगु अले सर्वसाधारणया जनजीवनय् लिच्वः लाइगु अवस्था ब्वलनीगु संभावना अप्वया वःगु दु ।
