लिम्बुवान अनिश्चितकालिन आमहड्ताल

येँ (झीगु स्वनिगः)

निर्वाचन आयोगया ज्याय् पंगः थंगु धकाः संघीय लोकतान्त्रिक माच सम्वद्ध संघीय लिम्वुवान राज्य परिषद्या केन्द्रीय दुजः नापं स्वम्हसित म्हिगः सोमवाः धरान प्रहरीं ज्वंगु दुसा उकिया विरुद्ध थनिनिसें लिम्बुवान अर्थात अरुणपूर्वया गुंगू जिल्ला अनिश्चितकालिन आमहडतालया आह्वान याःगु दु ।
प्रहरीं परिषदया केन्द्रीय दुजः भीम इधिङगो सुनसरीया नायः डम्बर खजुम व युवा परिषदया नायः अमित थेवेयात ज्वनाः हिरासतय् तयातःगु दु । इमित इलाका प्रहरी ज्याकूया प्रहरी निरिक्षक केशब भट्टराईया नेतृत्वय् वंगु पुचलं अथे धरान नगरपालिका वडा नं। ८ लागां ज्वना यंकूगु खः ।
थीथी वडां जफत याःगु मतदाता परिचय पत्रया निितं संकलन याःगु नां नाप स्वापू दुगु भ्वं नेपाल पत्रकार महासंघ सुनसरीया रोहबरय् निर्वाचन आयोगयात बिइवं प्रहरीं ज्वंगु खः । प्रहरीं ज्वंिपं नेतातय्त तत्काल त्वःतेमाःगु माग यानाः परिषदं अरुणपूर्वया ९ गू जिल्ला बन्द आह्वान याःगु खः ।

इमिसं विना शर्त नेतातय्त त्वःतेमाःगु नापं निर्वाचन आयोगया ज्या तत्काल दीकेमाःगु माग यानाः थःपिन्सं हड्ताल आह्वान यानागु खः धकाः नं धाःगु दु । अथे थःपिनि नेता व कार्यकर्तायात ज्वनेवं सोमवाः हे इमिसं गुंगू जिल्ला सांकेतिक रुपं बन्द याःगु खःसा थःपिनिगु माग पूरा मजूगुिलं धकाः थनिनिसें अनिश्चितकालीन आमहड्तालया आह्वान याःगु खः ।
माचया केन्द्रीय दुजः नापं परिषदया नायः कुमार लिङदेनं मतदाता नामावली संकलन व परिचयपत्रयाबारे २५ दल निर्वाचन आयोग व लिम्बुवान खम्बुवान थेंजाःगु स्वायत्तत्तावादीतलिसे आइतवाः वार्ता जूगु अले वार्ता विना निष्कर्षय् क्वचाःगुिलं हे थःपिनि नेता कार्यकर्तायात प्रहरी प्रशासनं ज्वनेगु याःगुिलं बाध्य जुयाः हे थःिपं आन्दोलनय् कुहाँ वयेमाःगु खः धकाः धयादीगु दु ।

उगु परिषदं नेपाः संघीय गणतान्त्रिक मुलुक जुइ धुंकूगु अवस्थाय् स्वायत्त प्रदेशत दैगु जुया मतदाता परिचयपत्र आः स्वायत्त प्रदेशतपाखें हे यायेमाः धकाः अथे निर्वाचन आयोगया ज्याय् परिषदं पंगः थंगु खः ।