किसुनजीयात नेसं इमेज सिरपाः

येँ (सन्ध्या टाइम्स)/नेपाल संवत् इमेज सिरपाः समितिपाखें थुगुसीया नेपाल संवत् इमेज सिरपाः पुलांम्ह प्रधानमन्त्री कृष्णप्रसाद भट्टराईयात बीगु जूगु दु। नेपाल संवत्या प्रणेता शंखधर साख्वाःयात वय्कः प्रधानमन्त्री जुयाच्वंगु इलय् राष्ट्रिय विभूति घोषणा याःगुलिं उकिया हे कदर कथं वय्कःयात थ्व सिरपाः बीत्यंगु खः। २५,००० तकाया थ्व सिरपाः न्हूदँ कुन्हु बसन्तपुली जुइगु मूल समारोहय् लःल्हाइगु ग्वसाः दु ।