न्हूदँ खलःतय्गु बुधवाः भेला
येँ (झीगु स्वनिगः)
नेवाःतय्गु राष्ट्रिय संगठन नेवाः देय् दबूपाखें वइगु बुधवाः न्हिनय् १ बजे दबूया ज्याकू येँया ताम्सीपाखाय् नेपाल संवतया न्हूदँ हनीगु थाय् थासय् च्वंगु खलः पुचःतय्गु तःजिगु भेला याइगु जूगु दु ।
न्हूदँया नितिं केन्द्रीय स्तरया समारोह समिति मदया समस्या ब्वलनाच्वन धकाः सः थ्वयेकाच्वंगु इलय् देय् दबूपाखें न्हूदँ हना खलःया प्रतिनिधित भेलाय् उपस्थिति इनाप याःगु दु ।
