नेवाः देय् गुथिया न्हूदँ हना पुचः
येँ (सन्ध्या टाइम्स)/नेवाः देय् गुथि नेपालमण्डलं नेपाल संवत् ११३१ न्हूदँ तःजिक हनेगु नितिं डा. चुन्दा बज्राचार्यया नेतृत्वय् न्हूदँ हना पुचः नीस्वंगु दु ।
नेवाः देय्गुथिपाखें म्हिगः नीस्वंगु उगु पुचःया लिउ कजिपिं सुशिला शाक्य व डा. कुमार योगी, दांभरिइ नृपेन्द्र मास्के, प्रचार व जनसम्पकय् नरेन्द्रभक्त माथेमा व दुजलय् वीरप्रसाद भन्सारी व आशारत्न डंगोल च्वनादीगु दु ।
मुक्कं नीन्याम्ह दुजः दुगु उगु पुचलय् राकेश सिंह (स्वयम सेवक), विजय रंजित (मंच व्यवस्थापन), मिलन शाक्य (भिंतुना), नेवाः सांस्कृतिक गुथि (सांस्कृतिक) विजय बज्राचार्य (लसकुस), नृपेन्द्र मास्के (अर्थ कवः) स्वयेगु कथं च्वनादीगु दु ।
उगु पुचःपाखें वइगु सप्तमि कुन्हु शनिवाः (२७ गते) बसन्तपुली वृहत् सांस्कृतिक ब्वज्या याइगु जूगु दु। अथे हे गांगामय् स्वन्ति नखः लिपा उगु हे सांस्कृतिक ब्वज्या ज्वनाः अभियान न्ह्याकेगु ज्याझ्वः नं दयेकूगु दु। नेवाः देय् गुथि नेपाल मण्डलं थुगुसीया निंतिं 'राष्ट्रिय एकताया नितिं संघीयता, नेवाः स्वायत्त राज्य झीगु तातुना' धकाः नारा बिउगु दु ।
