शंखधर सम्बन्धी पाठ दुथ्याकेत माग
येँ (सन्ध्या टाइम्स)/राष्ट्रिय विभूति शंखधर साख्वाः प्रतिष्ठानं देशय् ब्वंकीगु स्कुलया पाठ्यसफुली नं शंखधरया बारे पाठ ब्वंकेमाःगु विषयय् शिक्षा मन्त्रालयया पाठ्यक्रम विकास विभागलिसे सहलह यात ।
प्रतिष्ठानया पदाधिकारीतय् छगू पुचलं म्हीग विभागय् वनाः फयांफछि थ्वहे न्हूदँया इलय् शंखधर सम्बन्धी पाठ्य सामग्री सफुली दुथ्याइगु समाचार पिहां वयेमाली धकाः दवाव बिउगु खः ।
उगु इलय् पाठ्यक्रम विकास विभागं आः प्यंगू तगिंया छगू पाठय् शंखधरया नां नं दुथ्याःगु छपु कविता तयेत्यनागु व गुंगू तगिमय् राष्ट्रिय विभूतिपिं म्हसीकेगु छगू पाठय् शंखधर बारे नं चीहाकलं म्हसीका बीगु जानकारी बिउगु खः ।
प्रतिष्ठानं धाःसा मुक्कं शंखधर व वय्कःया योगदानया खँ जक दुथ्याःगु बिस्कं पाठ दुथ्याकेमाःगु खँय् बः बिउगु खः। थौंकन्हय् स्कुलया पाठ सुधार व संशोधन याइगु ई जूगुलिं प्रतिष्ठानं विभागया पदाधिकारीत नापलानाः खँ ल्हाःगु खः ।
