डा. चुन्दाया नेतृत्वय् न्हूदँ पुचः नीस्वन
येँ (झीगु स्वनिगः)
राष्ट्रिय एकताया नितिं संघीयता नेवाः स्वायत्त राज्य झीगु तातुना धैगु मु नारा थ्वयेका नेवाः देय् गू नेपाल मण्डलंपाखे नेपाल संवत ११३१ तःजिक हनेगु नितिं डा. चुन्दा बज्राचार्यया नेतृत्वय् न्हूदँ हना पुचः नीस्वंगु दु ।
डा. बज्राचार्य कजि जुयादीगु उगु न्हूदँ हना पुचःया ल्यू कजिइ सुशिला शाक्य व डा. कुमार योगी, उगु हे कथं पुचःया दांभरी नृपेन्द्र मास्के नापं जनसम्र्पक नापं प्रचार प्रसारया कजि नरेशभक्त माथेमा यात तःगु दु । उगु हे कथं पुचःया दुजलय् वीरप्रसाद भन्सारी नापं आशा रत्न डंगोल च्वनादीगु दु ।
बुधवाः नीस्वंगु नीन्याम्हेसिया उगु न्हूदँ हना पुचलय् स्वयंसेवक कवःया इन्चार्ज राकेश सिंह, मंच ब्यवस्थापन कवःया इन्चार्जय् विजय रंजीत, भिंतुना कवःया इन्चार्ज मिल शाक्य, सांस्कृति कवःया इन्चार्ज नेवाः सांस्कृति गुथि, लसकुस कवःया इन्चार्ज विजय बज्राचार्य व अर्थ कवःया कजि नृपेन्दं मास्के च्वनादीगु दु ।
नेवाः देय् गू नेपाल मण्डलया उगु मुँज्यां वइगु कार्तिक २७ गते येँया वसन्तपुरय् तःजिक नेवाः सांस्कृतिक ब्वज्या यायेगु नापं अनंलिपा नेपाल मण्डलया गां गामय् नापं थाय् थासय् उगु सांस्कृतिक ब्वज्या यानाः सांस्कृतिक अभियान नं न्ह्याकेगु धकाः खँ क्वःछ्यूगु दु ।
