थौं राजनीतिक कार्यदलया मुँज्या
येँ (झीगु स्वनिगः)
न्हूगु संविधान निर्माणया नितिं विवाद जुयाच्वंगु खँ ज्यंकेगु नितिं २७ दलया सहमति कथं नीस्वंगु उच्च स्तरीय राजनीतिक कार्यदलया मुँज्या थौं सुथय् च्वनीगु जूगु दु ।
कार्यदलया नितिं ग्वाहालि यायेत धकाः दयेकूगु पुचलं छु गुलि ज्या याये धुंकूगु नापं सहमति जुइ धुंकूगु अले आः गुगु कथं सहमति यायेगु धैगु विषयसं सहलह ब्याकेतं कार्यदलया मुँज्या च्वनेत्यंगु खः । नायः प्रचण्ड संयोजक जुयादीगु उगु कार्यदलया मुँज्याय् ग्वाहालि पुचःया दुजःतय्सं नं ब्वति कयादी धकाः धाःगु दु ।
प्रचण्ड चीन भ्रमणय् वने न्ह्यः उगु कार्यदलया मुँज्या जूगु खःसा छुं दिं न्ह्यः जक हाकनं कार्यदलया मुँज्या च्वनेत्यंगु खः ।
