कोरियाय् न्हूदँ तःजिक हनीगु
येँ (झीगु स्वनिगः)
नेपाःया राष्ट्रिय संवत नेपाल संवत ११३१ न्हूदँ नेपालय् जक मखु थीथी देशय् च्वनाच्वंपिं नेपाःमिपिन्सं थीथी ज्याझ्वः यानाः हनेगु झ्वलय् थुगुसी न्हापांखुसि दक्षिण कोरियाय् तःजिक न्हूदँ हनीगु जूगु दु ।
नेपाल संवतयात राष्ट्रिय संवत्या रुपय् नेपाल सरकारं मान्यता बिइ धुंकूसां सरकारं उत्सवया रुपय् हनाच्वंगु आः तक नं मदुनिसा उखे दक्षिण कोरियाय् धाःसा नेपाली राजदुतावास व अनया नेवाः पुचःपाखें मंकाः कथं न्हूदँ हनेत्यंगु दु । नेवाःतय्सं म्हपुजा याइगु हे दिं न्हूदँ नोभेम्बर ७ तारिक खुन्हु हे दक्षिण कोरियाय् तःजिक हनेत्यंगु खः ।
न्हूदँ हनेत हे अन च्वनाच्वंपिं नेवाःतय्सं नेवाः पुचः नीस्वंगु खः । उगु पुचःया नायः गुरुजु नविन बज्राचार्य जुयादीगु दुसा न्वकु रमेश श्रेष्ठ व माधव प्रसाद श्रेष्ठ अथे हे दुजलय् यम श्रेष्ठ, कृष्ण मुस्यान, बाबुराजा श्रेष्ठ, सरोज श्रेष्ठ, राजदास श्रेष्ठ, निर्मल महर्जन, राजन श्रेष्ठ, प्रविन कारन्जित व राज देसार च्वनादीगु दु ।
