नेविसंघ विघटनया तयारी
येँ (झीगु स्वनिगः)
संविधानसभाय् निगूगु तःधंगु दल नेपाली कांग्रेसया थीथी भ्रातृ संगठनत मध्ये दक्ले सशक्त नापं जनआधार दुगु संगठन कथं नालातःगु नेपाल विद्यार्थी संघयात हे विघटन यायेगु तयारी याःगु दु ।
नेविसंघयात विघटन यायेगु तयारी यायेवं उगु संगठनया नेतृत्व व कार्यकर्तात अजूचाःगु दुसा उिकंयाना म्हिगः
बुधवाःनिसें हे खैलाबैला जूगु सूत्रं धाःगु दु ।
नेपाली कांग्रेस व नेपाली कांग्रेस प्रजातान्त्रिक एकता जूगु यक्व ई दये धुंकूसां निगू नेपाल विद्यार्थी संघया एकता याःगु झ्वलय् ब्वलंगु विवाद यथावत हे जुयाच्वंगु नापं नेतृत्वया सवालय् नेपाली कांग्रेसं ज्यंके मफयाः बाध्य जुयाः हे नेविसंघ विघटन यायेगु मनस्थिति कांग्रेसया नेतातय्सं दयेकूगु खः धकाः कांग्रेसया छम्ह नेतां धयादीगु दु ।
नेपाली कांग्रेसया झिंनिक्वःगु महाधिवेशन वंगु कार्तिकया न्हापांगु वालय् हे क्वचाःगु खःसा अनं लिपा च्वने मफयाच्वंगु न्हापांगु केन्द्रीय कमिटीया मुँज्या थौं च्वनेत्यंगु दुसा उगु हे मुँज्याय् नेविसंघ विघटनया विषयलय् नं सहलह जुइ धकाः धाःगु दु ।
थौं च्वनीगु महाधिवेशन धुंकाःया न्हापांगु मुँज्याय् नेपाली कांग्रेसया प्रधानमन्त्रीया छम्ह जक उम्मेदवार रामचन्द्र पौडेलया सवालय् नं सहलह ब्याकी धकाः कांग्रेसया नेतां धयादीगु दु ।
न्ह्याक्व हे चुनाव जूसां नं याकःचा उम्मेदवार जुयाः नं त्याइमखुगु नापं प्यखेरं उम्मेदवारी लितकायेमाः धकाः दबाव बियाहःगुिलं आः छु यायेगु धैगु खँय् नं अथे मुँज्याय् सहलह ब्याकेत्यंगु खः ।
