एन्फायात बुकुसें हिमालयन शेर्पा क्वाटर फाइनलय्

बुटवल (झीगु स्वनिगः)

बुटवलय् न्ह्यानाच्वंगु झिंन्हय्क्वःगु तिलोत्तमा गोल्डकप फुटबल धेंधेंबल्लाः कासा अन्तर्गत म्हिगः क्वचाःगु समूह 'ख'या निगूगु कासाय् एन्फा ११ यात बुकुसें हिमालयन शेर्पा क्लब क्वाटर फाइनलय् दुहाँवंगु दु ।

बुटवल - १३ देवीनगरस्थित फिफा टेक्निकल सेन्टरया मैदानय् म्हिगः क्वचाःगु कासाय् एन्फा एकेडेमीयात शून्यया विरुद्ध ३ गोलं ल्यूने लाकुसें हिमालयन त्याःगु खः । हिमालयनयापाखें कासाया न्हापांगु हाफया लिपांगु मिनेटय् पुकार गहतराजं न्हापांगु गोल यानाः अग्रता काःगु दुसा हाफया पन्ध्रौं मिनेटय् दीपक राईं व २८ औं मिनेटय् अमर पुनं टिमया नितिं स्वंगूगु गोल याःगु खः ।

हिमालयन शेर्पां कार्तिक १२ गते बंगलादेश फुटबल क्लबलिसे क्वाटर फाइनलय् धेंधेंबल्लाः कासा म्हिती । थौं क्वाटर फाइनल कासा जावलाखेल युथ क्लब येँ व सशष्त्र प्रहरीया एपीएफ क्लबदथुइ जुइ ।

रुपन्देही जिल्ला फुटबल संघया ग्वसालय् स्वनिगलं पिने सर्वाधिक धनराशी सिरपाः दुगु धेंधेंबल्लाः कासाय् झिंनिगू टिमं ब्वति काःगु खःसा कासा कार्तिक १६ गतेतक्क न्ह्याइ ।

More Stories Like this