एसियाडया तयारी कासामि व्यस्त

येँ (झीगु स्वनिगः)

आसन्न झिंखुक्वःगु एसियाडय् छनौट जूपिं कराँते कासामिपिं आः तयारीइ ब्यस्त जुयाच्वंगु दु । कासामिपिंत जापानया प्रशिक्षक नवमि कन्दो व नेपाली प्रशिक्षकत राजेन्द्र कपाली व दिपक श्रेष्ठं प्रशिक्षण बियाच्वंगु खः ।
प्रशिक्षक दिपक श्रेष्ठं तयारी सन्तोषजनक जूगुलिं पदकया आशा यानाःगु धयादिल ।

इलय् हे राष्ट्रिय खेलकुद परिषद् बजेट उपलब्ध मयाःगुलिं कासामिपिंसं बैदेशिक प्रशिक्षण कायेमखंगु नं श्रेष्ठं धयादिल । झिंनिक्वःगु एसियाडनिसें कराँतेय् ब्वति कायेगु यानाच्वंगु नेपालं आःतक्क कराँतेय् निगू काँस्य ल्हातय् लाकेत ताःलाःगु खः ।

थ्वहे कात्तिक २८ गतेनिसें चीनया ग्वान्झाओय् न्ह्याइगु एसियाली खेलकुदय् च्याम्ह कराँते कासामिपिंसं नेपाःया प्रतिनिधित्व यायेत्यंगु खः । ७५ केजीइ विनोद शाक्य ६७ केजीइ कुशल श्रेष्ठ ५७ केजीइ विनोद महर्जन व ५५ केजीइ रविन्द्र दाहाल ल्वाइ । अथेहे मिसापाखे ६७ केजीइ तारा लिम्बु ६१ केजी गंगा अधिकारी ५५ केजी कल्पना बस्नेत व ५० केजीइ राजी नगरकोटीं धेंधेंबल्लाः कासा म्हितादी ।

More Stories Like this