भारतय् झिगू स्वर्णलिसे नेपाली कराँते टोली त्यात

येँ (झीगु स्वनिगः)

थःगु हे व्यक्तिगत खर्चपाखें कराँते धेंधेंबल्लाः कासाय् ब्वति कायेत भारत वंगु सुदूरपश्चिमया कासामिपिनिगु टीम त्याःगु दु ।

थ्वहे अक्टुबर २३ व २४ सं भारतया राजस्थान शहरय् क्वचाःगु नेपाल - भारत मैत्रीपुर्ण कराँते धेंधेंबल्लाः कासाय् ब्वति कायेत सुदूरपश्चिमया कासामिपिं दुथ्याःगु टीम त्याकाः लिहाँ वःगु खः । धेंधेंबल्लाः कासाय् टीमं मिजंपाखे न्यागू स्वर्ण मिसापाखे न्यागू स्वर्ण मिजंपाखें निगू रजत व मिसापाखें छगू रजत व प्यंगू काँस्य पदक त्याकेत ताःलाःगु खः ।

स्वीगू केजी तौल समूह निसें न्यय्गू केजी तौल समूहतक्क कासामिपिंसं धेंधेंबल्लाः याःगु कराँतेया प्रशिक्षक विमल खडायतं जानकारी बियादीगु खः ।

More Stories Like this