राष्ट्रसंघीय मानवाधिकारं छानबिन
लण्डन (सिन्ह्वा)
संयुक्त राष्ट्रसंघं विकिलिक्स वेभसाईटं छुं ई न्ह्यः बन्दीतदथुइ यातना ब्यूगु सन्दर्भय् दस्तावेज सार्वजनिक याःगु विषयसं छानविन यायेत अमेरीका व ईराकयात इनाप याःगु दु ।
राष्ट्रसंघीय मानवअधिकार उच्चायुक्त नाभी पिल्लें मानवअधिकार विरोधी थज्याःगु कि्रयाकलापबारे छानबिन यायेत इनाप याःगु खः । अमेरीकी सैनिकं ईराकय् कैदिदथुइ अमानवीय व बर्बर अत्याचार याःगु विकिलिक्सया दाबीया विषयसं अमेरीकी सरकारं अनुसन्धान न्ह्यःने न्ह्याकेमाःगु संयुक्त राष्ट्रसंघं जानकारी ब्यूगु खः ।
मानवअधिकार हनन् व युद्ध अपराधया विषयसं राष्ट्रसंघका सल्लाहकार मैनफैड नोबाकं अमेरीकादथुइ तःगु द्वपंया बिस्तृत जाँच याइगु जानकारी ब्यूगु दु । नोबाकं जाँचया सीमा बिस्तृत यासें अमेरीकायात ईराक जक मजुसे मिस्त्र मोरक्को व सीरिया थेंज्याःगु देय्या कैदितय्त स्थानीय अधिकारीयात लःल्हाःगु विषयसं नं अनुसन्धान यायेमाःगु प्रतिकि्रया ब्यूगु दु । अमेरीकी सैनिक अधिकारीतय्सं वन्दीतदथुइ यातना ब्यूगु खँ अस्वीकार याःगु दु ।
छुं दिं न्हयः विकिलिक्सं ईराकय् अमेरीकी सेनां खुइखुद्वः व च्यय्छम्ह निर्दोष नागरिकयात स्यायेगुया लिसलिसे ज्वंपिं नागरिकतय्त चरम यातना बियाः गोलीं कयेकाः स्याःगु गोप्य दस्तावेज सार्वजनिक याःगु खः ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
