इण्डोनेसियाय् भुखाय् लिपा सुनामी वइगु ख्याच्वः
जाकार्ता (क्योदो)
इण्डोनेसियाया पश्चिमी सुमात्रा द्वीपय् ७।५ रेक्टर स्केलया भुखाय् ब्वःगु अमेरिकी भौगर्भिक सर्वेक्षण संस्थां जानकारी ब्यूगु दु । उगु शक्तिशाली भुखाय् लिपा अनं सुनामी वइगु ख्याच्वःयात निरन्तरता ब्यूगु दु ।
उगु भुखाय् स्थानीय ईकथं सोमबाः ९:४५ बजे वंगु व केन्द्रविन्दु धाःसा पश्चिमी सुमात्राया प्रान्तीय राजधानी पदाङ्गपाखें २४० किलोमिटर दक्षिण वा सिङ्गापुरपाखें ६३४ किलोमिटर दक्षिणपश्चिमी क्षेत्रय् दुगु समुन्द्रया ३३ किलोमिटर लः क्वय्या गालय् दुगु खः ।
वंगु दँ नं पश्चिमी सुमात्रा प्रान्तय् ७.६ रेक्टर स्केलया भुखाय् ब्वयाः १ हजार ११५ म्ह मनूत सीगु खः ।
अथेहे सन् २००४ डिसेम्बर २६ या दिं सुमात्राया उत्तरी भाग आचे प्रान्तय् ९ रेक्टर स्केलया भुखाय् ब्वयाः श्रीलङ्का थाइल्याण्ड भारत लिसे मेमेगु देय्पाखें वःपिं पर्यटकत नापं यानाः १ लाख ७० हजार मनूत सीगु खः ।
इण्डोनेसिया १७ हजार स्वयाः अप्वः द्वीप दुगु प्रशान्त महासागरय् लानाच्वंगु देय् खः । प्रशान्त महासागरिय अग्नि चक्रदुने दुगु धकाः म्हस्यूगुया लिसलिसे भुखाय् ज्वालामुखी विस्फोट लगायतया सम्भावना तिब्र जुइगु याः ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
