येँ न्हिनय् हे खुयाः यंकल, प्रतिकार यायेवं आक्रमण
येँ (झीगु स्वनिगः)
नेपाःमिपिनिगु तःजिगु नखः मोहनि क्वचायाः स्वन्ति नखः न्ह्यःने वयाच्वंगु इलय् स्वनिगःदुने आपराधिक ज्यात नं तसकं अप्वयाः वयाच्वंगु दु ।
स्वनिगलय् अप्वयाः वयाच्वंगु आपराधिक ज्याया हे झ्वलय् म्हिगः येँया वडा नं. २१ मजिपाः पद्म सुगन्ध विहारलिक्क च्वंगु छखा छेँय् न्हिनय् स्वताः त्याः इलय् मात्र झिगू मिनेटदुने निगः दराज दुनेच्वंगु फुक्क हे सामानत खुयाः यंकूगु दु ।
साईला कपालीया उगु छेँय् छम्ह ल्याय्म्हं मास्टर की व ल्वाभः नापं ज्वनाः खुयाः यंकेगु नितिं वःगु खः । खुयाच्वंगु हे इलय् छेँय् थुवाः कपालीं प्रतिकार यायेवं वयाःगु ल्हाः पितं हे चानाः फुक्क सामान ज्वनाः बिस्युं वंगु खः ।
