समाधान यायेत कांग्रेस तयार खनेमदु - प्रकाश
येँ (झीगु स्वनिगः)
एकीकृत नेकपा माओवादीया न्वकु नारायणकाजी श्रेष्ठं राजनैतिक निकास व समस्याया प्याकेजय् समाधान यायेत कांग्रेस तयार खनेमदुगु जानकारी बियादीगु दु । संविधानसभा भवनय् जूगु प्रधानमन्त्रीया झिंस्वक्वःगु चरणया निर्वाचनपाखें पिहाँवयेधुंकाः श्रेष्ठं प्याकेजय् सहमति जूसा उम्मेदवारी लित कायेगु धइगु कांग्रेसया धापुतिइ षड्यन्त्र सुलाच्वंगु धासें श्रेष्ठं सेना समायोजन यायेधुंकाः न्हूगु सरकारया खँ ल्हायेगु धइगु गम्भीर विषय जूगु धयादिल ।
वय्कलं सेना समायोजन सरकार निर्माण व संविधानया विवादित विषयलय् सहलह यायेत माओवादी तयार दुगु धयादिल । म्हिगः च्वंगु कार्यव्यवस्था परामस्र समितिया वैठकय् संविधानसभाया नायः सुवास नेम्वाङं न्हूगु बजेट हयेगु विषयलय् ध्यानाकर्षण याकूगु वय्कलं धयादिल ।
