बिदाय् च्वंपिं कमाण्डरं प्रष्ट यायेम्वाः - अनमिन
येँ (झीगु स्वनिगः)
नेपालय् च्वंगु संयुक्त राष्ट्रसंघीय मिसन अनमिनं सरकारं फ्वंगु माओवादी कमाण्डरत थःगु स्वीकृति कयाः हे बिदाय् च्वंगु जानकारी ब्यूगु दु । नापं बिदाया इलय् उमिसं याःगु गतिविधियात कयाः सुयात नं प्रष्ट यायेमाःगु अवस्था मदुगु धयादिल ।
सरकारयात अनमिनं लिसः पौं छ्वसें मंगलवाः थज्याःगु जानकारी ब्यूगु खः । माओवादीया कमाण्डरत चीनय् वंगु विषयसं जूगु विवाद लिपा अनमिन नापं न्ह्सः पौं छ्वयेवं अज्याःगु लिसः ब्यूगु खः । माओवादी कमाण्डरत बिदाया इलय् गन वनी छु याइ गनं च्वनी उकिया जानकारी थःपिन्त आवश्यक मजूगु धयादिल ।
माओवादीया सेना समायोजन विशेष समितिया मातहतय् वनेधुंकूगु इलय् समितियात जानकारी हे मब्यूसें विदेश भ्रमणय् वंगु व गैरकानूनी जूगु धासें उमिगु भ्रमणयात कयाः सरकारं अनमिनयात जानकारी फ्वंगु खः ।
