आयल निगमय् लोडअनलोड ठप्प

बारा (झीगु स्वनिगः)

पेट्रोलियम ढुवानी व्यवसायी महासङ्घं म्हिगः बाराया अमलेखगन्ज डिपोय् निघौ लोडअनलोड ठप्प याःगु दु ।
भारतया बरौनीनिसें अमलेखगन्जतक टुङ्करपाखें पेट्रोलियम पदार्थ ढुवानी यायेदयेमाःगु माग यासें महासङ्घं झिताः इलंनिसें झिंनिताः ईतक्क पेट्रोलियम पदार्थ लोडअनलोड ठप्प याःगु खः । भारतया बरौनीपाखें न्ह्याइगु टुङ्कर थीथी त्वह तयाः महिनाय् छगू वा निगू ट्रिप जक चलय् याके ब्यूगुलिं निर्विवादरुपं चलय् यायेदयेमाःगु लगायतया माग तसें आन्दोलनय् कुहाँ वःगु नेपाल पेट्रोलियम ढुवानी व्यवसायी महासङ्घया केन्द्रीय दुजः अनिल सिंहं धयादिल ।

थुखे अखिल नेपाल टुङ्कर मजदुर सङ्घ बारां धाःसा उगु आन्दोलनया विरोध याःगु दु । सङ्घया जिल्ला नायः गोपाल स्याङ्तानं हाकिमयात धेबा नकाः बरौनीपाखें टुङ्करं पेट्रोलियम पदार्थ ढुवानी यानाः वयाच्वंगु दाबी यासें रक्सौलपाखें हे पेट्रोलयम पदार्थ ढुवानी याःबलय् निगमयात फाइदा जुइगु धयादिल ।

More Stories Like this