भ्रष्ट देय्या १४६ नां धलखय् नेपाः

येँ (झीगु स्वनिगः)

नेपालय् वंगु दँया तुलनाय् भ्रष्टाचार अप्वःगु दु । ट्रान्सपरेन्सी इन्टरनेशनलया भ्रष्टाचार अवधारणा सुचकाँक २०१० य् नेपाल सच्छि व पीखुगू थासय् लाःगु खः ।

नेपाल दक्षिण एशियाय् दकले अप्वः भ्रष्टाचार याइःगु देय्या धलखय् दु । वंगु दँया तुलनाय् स्वंगू अंक म्हो जूगु दु । थुगु दँ नेपालं निगू दशमलव निगू अंक प्राप्त याःगु खः ।
स्वंगू दशमलव शून्य अंक स्वयाः म्हो अंक प्राप्त याइगु देय्यात भ्रष्टाचार व्याप्त देय्या धलखय् खंकेफु ।

ट्रान्सपरेन्सी इन्टरनेशनलं एशियाली विकास वैंक वल्सटस म्यान फाउण्डेसन विश्व बैंक मर्चेण्ट ग्रूप वल्र्ड इकोनोमिक फोरमया सर्वेक्षणया आधारय् उगु सुचकाँक सार्वजनिक जूगु खः ।

दक्षिण एशियाली देय् मध्ये नेपाः देय्या लिसलिसे
पाकिस्तान व वंगलादेश नं भ्रष्टाचार व्याप्त देशय् लाःगु खः ।

विश्वया सच्छि व न्हय्निगू राष्ट्र मध्ये सोमालिया दकले
अप्वः भ्रष्टाचार देशया धलखय् दुसा डेनमार्क न्यूजिल्याण्ड व सिंगापुर भ्रष्टाचार मुक्त देय्या धलखय् दु । उमिसं गुंगु दशमलव छगू अंक प्राप्त याःगु खः ।

More Stories Like this