एसिसी लेभल कोस्र न्ह्यात, बुद्धिचाल धेंधेंबल्लाः कासा
येँ (झीगु स्वनिगः)
नेपाल कि्रकेट सङ्घ क्यान व एशियाली कि्रकेट परिषद् एसिसी या संयुक्त ग्वसालय् म्हिगःनिसें थनं एसिसी लेभल वन कोचिङ कोस्र न्ह्याःगु दु ।
न्यान्हुतक्क न्ह्याइगु उगु कोस्रय् नीम्ह प्रशिक्षार्थीपिनिगु ब्वति दुगु जानकारी ब्यूगु दु । एसिसीया विकास अधिकारी रुमेश रत्नायकें उगु कोस्र साचालन यानादीगु खः । कोस्रय् ब्वति काईपं प्रशिक्षार्थीपिंसं क्रिकेटया अन्तर्राष्ट्रियस्तरया व्यवहारिक व सैद्धान्तिक ज्ञान प्राप्त याइ ।
नेपाल कि्रकेट सङ्घया नायः विनयराज पाण्डें कोस्रं नेपाःया कि्रकेटस्तरयात थप गति बिइत ग्वाहालि जुइगु विश्वास नापं प्वंकादीगु खः । थ्वहे दथुइ द हिमालयन बुद्धिचाल क्लबया ग्वसालय् थनं राष्ट्रियस्तरया फिडे बरियताक्रमया बुद्धिचाल धेंधेंबल्लाः कासा बुधबाःनिसें न्ह्याइगु जूगु दु ।
धेंधेंबल्लाः कासाय् झिंगुदँ क्वय्या बरियताक्रमया नीम्ह लिसलिसे मेमेपिं बिना बरियताक्रमया याना कूल स्वीप्यम्ह कासामिपिं दथुइ धेंधेंबल्लाः कासा जुइत्यंगु खः ।
स्वीस लिग प्रणालीकथं न्हय्क्वःगु चरणतक जुइगु उगु धेंधेंबल्लाः कासाया कूल सिरपाः राशी झिंस्वद्वः तका धेबा दुगु नापं जानकारी ब्यूगु खः ।
क्लबया प्रचार प्रमुख ज्ञानेन्द्र खाइजुं थौंकन्हय् नेपालय् सच्छि व खुइनिम्ह बरियताक्रमया कासामिपिं दुगु जानकारी बियादिसें सन् २०१० तकयादुने उगु ल्याःयात अप्वयेकाः निसःम्ह थ्यंकेगु आज्जु दुगु नापं धयादीगु दु ।
More Stories Like this
एएफसी अण्डर १६ य् नेपाः सिरियालिसे २ - ० बुत शहीद स्मारक 'बि' डिभिजन लीगय् वीरगञ्ज व युथ क्लबं त्याकल जापान सेमि मिसा विश्वकपया फाइनलय् थ्यंकेत ताःलात थ्रीस्टार आर्मीनाप बुत विश्वकप फुटबल कासाया नितिं नेपाः छनौटय्
