पेट्रोलियम ढुवानी व्यवसायी आन्दोलित
येँ (झीगु स्वनिगः)
नेपाल पेट्रोलियम ढुवानी व्यवसायी महासंघं सरकार व आयल निगमया निर्णयविरुद्ध आन्दोलन यायेगु ख्याच्वः ब्यूगु दु ।
महासंघं झिंछगू बुँदे माग पूरा मजूसा देय्न्यंक पेट्रोलियम पदार्थ ढुवानी बन्द यायेगु ख्याच्वः ब्यूगु दु । आन्दोलनय् बरौनी डिपो रक्सौल डिपो व अमलेखगन्ज डिपोय् लोडिङ अनलोडिङ बन्द यायेगु ज्याभुवः नं दु ।
महासंघया मागय् वरौनी-अमलेखगन्ज रुटया ट्यांकर स्थायी रुपं संचालन व्यवस्था यायेमाःगु वरौनीपाखें न्हिं च्यासः किलोलिटर चिकं लोडिङ जुइमाःगु जनकपुर-भिट्टामोड-बरौनी रुट संचालन यायेमाःगु लगायत दु ।
म्हिगः येँ पत्रकार सम्मेलन यासें महासंघया नायः खगेश्वर बोहरा व मू छ्याञ्जे विश्वप्रसाद अर्यालं सरकारयात करोडौं राजस्व बुझय् यायेगु व झिद्वलं मयायेक प्रत्यक्ष व अप्रत्यक्ष रोजगारी बिइगु व्यवसायया संरक्षण यायेमाःगु धयादिल ।
