प्रचण्ड नापंया पुच वेइजिङय्
उच्चस्तरीय नापलाये ज्या
येँ (झीगु स्वनिगः)
चीन भ्रमणय् दुगु एकीकृत नेकपा माओवादीया पुचः म्हिगः सुथंनिसें राजनीतिक नापलाये ज्याय् व्यस्त जुयादीगु दु ।
बेईजिङया छगू होटेलय् माओवादी नायः पुष्पकमल दाहाल 'प्रचण्ड' नेतृत्वया पुचः व चिनीयाँ कम्युनिष्ट पार्टी अन्तर्राष्ट्रिय विभागया प्रमुख वाङ जेनुन नेतृत्वया पुचःदथुइ नापलाये ज्या जूगु खः ।
नापलाये ज्याय् निगू पार्टी निगू देश व नेपाःया समसामयीक राजनीतिक परिस्थितिबारे सहलह जूगु चीन भ्रमणय् दीम्ह माओवादी पोलिटव्युरो दुजः अग्नी सापकोटा कन्चनं जानकारी बियादिल ।
साङ्घाई एक्स्पोय् ब्वति कायेत माओवादी नायः प्रचण्डलिसेया पुचः वंगु पाँच गते चीन वंगु खः ।
