बैङ्किङ क्षेत्रय् मिसात सुरक्षित

येँ (झीगु स्वनिगः)

बैंकिङ क्षेत्रय् ज्या यायेगु लकस बांलाइगु जूगुलिं मेमेगु क्षेत्र स्वयाः बैंकिङ क्षेत्रय् ज्या याईपं मिसात अप्वः सुरक्षित जूगु मिसापिनिगु अनुभव दु ।

छगू साचार माध्यमलिसे खँल्हाबल्हा यायेगु झ्वलय् उगु क्षेत्रय् ज्या याईपं मिसातय्सं मेमेगु क्षेत्रय् स्वयाः थुगु क्षेत्रय् ज्या यायेबलय् यौनजन्य दुव्र्यवहार फयेम्वालीगु जूगुलिं थुगु क्षेत्रय् सुरक्षित महशुस जुइगु नापं धयादिल ।
मेमेगु क्षेत्र स्वयाः थुगु क्षेत्रय् मानसिक लिसे शारीरिक निगुलिं हिसाबय् अप्वः सुरक्षित जुइगु कारण थुगु क्षेत्रय् मिसापिनिगु आकर्षण अप्वयाः वयाच्वंगु राष्ट्रिय वाणिज्य बैंकया वित्त व्यवस्थापक रीता ढुङ्गेलं धयादिल ।

वय्कलं धयादी - नेपाल पितृसत्तात्मक देय् जूगुलिं मिसात अप्वः पीडित जुइगु याइ उकिया हे असर ज्याया क्षेत्रय् नं लाइगु जूगुलिं मिसापिंदथुइ विशेष यानाः यौनजन्य हिंसा जुइगु यानाच्वंगु दु ।

थुगु क्षेत्रय् अज्याःगु कथंया हिंसात्मक गतिविधि याःगु खँ सिइवं हे जागिरपाखें ताःपायेमालीगु अवस्था वइ थुगु क्षेत्रय् पावर छ्यलेगु व जागिर ल्यंकेगु धइगु खँ हे जुइमखु - वय्कलं धयादिल ।

मेमेगु कार्यस्थलय् ज्या याईपं मिसातदथुइ मिजंतय्सं यौनजन्य हिंसा याइगु घटना आपालं न्यनेगु यानाच्वंगु दु । तर अज्याःगु प्रकृतिया ज्या धाःसा बैंकिङ क्षेत्रय् जुइमखु - थ्व जिगु दाबी खः धयादी ढुङ्गेल ।

बैंकय् ज्या यानाच्वंपिं फुक्क कर्मचारी ज्याय् हे व्यस्त जुइगु जूगुलिं म्वाःमदुगु खँ दिमागय् हयेगु ई दइमखु । ईया अभावं यानाः नं मिजंतय्सं मिसातय्गुदथुइ छु नं कथंया हिंसा यायेदइमखु - माछापुच्छ्र्रे बैंकय् ज्या यानाच्वंम्ह नितु राणा पालं धयादिल ।

नेपाःया गुलि नं बैंक लिसे वित्तीय संस्थाया ज्या याईपं मिसा मिजंतलिसे सहकार्य यानाः वनाच्वंगु दु उिपं अफिस ई ज्वःछि ज्याय् हे व्यस्त जुइगु यानाच्वंगु दु । उकिया हे कारणं हे जुइ बैंकय् मिसापिनिगु दथुइ छु नं हिंसा जुइमखु ।

नेपालय् २७ वाणिज्य बैङ्क ७१ विकास बैङ्क व ८८ वित्तीय संस्थात दु । उगु बैङ्कय् थ्यंमथ्यं ४ हजारया हाराहारीइ मिसा कर्मचारीत दुगु तथ्याङ्क खनेदु ।
निजी बैङ्कय् स्वयाः सरकारी बैङ्कय् ज्या याइपिं मिसापिनिगु ल्याः तसकं म्हो दु तर नं बैंकिङ क्षेत्रय् ज्या याईपं मिसातदथुइ छु नं कथंया हिंसा मजुइगु सरकारी बैंकया मिसापिं कर्मचारीतय्सं धायेगु यानाच्वंगु दु ।

More Stories Like this