चीनया निितं नुवाकोटं साया तस्कर

नुवाकोट झीगु स्वनिगः

नुवाकोट जिल्लाया सोले बजाः व रसुवा जिल्लाया पैरेबेसी - मैलुङया मार्ग यानाः साया तस्कर जुइगु यानाच्वंगु धाःगु दु ।

नुवाकोट जिल्लाया उत्तरी भेगय् लाःगु तुप्चेया लँपु जुयाः न्हियान्हिथं रसुवा व चीनया केरुङय् साया ला नयेगु प्रयोजनया नितिं यंकेबलय् नं नियन्त्रणया नितिं प्रशासनं वास्ता याःगु मदु ।

येँ व नुवाकोटपाखें मुंकाः चीन थ्यंकीगु सा मनग्य धेबा मियाच्वंगु दु साया तस्करतय्सं । साया जिउँदो मूल्यप्रति किलोग्राम ८०० तक्कं न्यायेगु यानाच्वंगु जानकारी नापं बियादीगु दु ।

तस्करं रसुवाया मैलुङ राम्चे भेगय् नुवाकोटया पिपलटार तुप्चे दुई पिपल देवीघाट चारघरे लगायतया थासं सा यंकेगु यानाच्वंगु जानकारी नापं ब्यूगु दु ।

साया तस्करय् वनाः मनग्य आम्दानी यानाच्वंगु उमिगु हे धापू दु । रसुवाया राम्चे छेँय् दुम्ह याङसिङ घलेयाकथं गाँ गामय् सुपलाः सुपलाः साया ला नयेगु क्रम अप्वयाः वयाच्वंगु दु ।

गामय् च्वंपिनिगु मागयात फयेमफयाः उमिसं नुवाकोटनिसें सायात ख्यानाः यंकेगु नं यानाच्वंगु दु ।
मेमेपिनिगु लाया तुलनाय् साया ला तसकं थिकय् जूगु घलें धयादिल । चीनय् सा मिइत वनेबलय् ठगय् याइगु सम्भावना दइ । उिकं नं स्थानीय सा तस्कर फयांफत्तले गामय् हे सा मिइगु कुतः याइ । साया ला केरुङ थ्यंकेधुंकाः हचुवाया भरं मोलतोल जुइगु सा यंकीपिनिगु धापू दु ।

More Stories Like this