पार्टीतय्सं मथूगु लाकि ?
थौंकन्हय् नेपाली सेनाया सेनापति रुक्मांगद कटवालयात चीकेमाः धकाः सः पिहां वयाच्वंगु दु । उकिया लागिं सरकार राजनीतिक पार्टीतय् दुने दुने तसकं ल्वापु नं जुयाच्वंगु दु । वास्तवय् प्रधानसेनापति छम्हेसित हटे यायेगु खँय् थपाय्सकं ल्वापु पिकया च्वनेमाःगु आवश्यकता मदु थें च्वं । नेपाली सेना सरकारया मातहत च्वनेगु धायेधुंकाः सरकारं छु धाल वं माने याये हे माः । मच्वन धाःसा वयात कारवाही नं याये हे माः । म्हिगः नेपाली सेना सरकारया मातहतय् मच्वन धकाः थ्वहे राजनीतिक पार्टीतय्सं विरोध याःगु खः । थौं सेनायात सरकारी मातहतय् तये हयेगु लागिं कुतः जूबलय् चाहिं अथे याये दइ मखु धकाः विरोध यानाच्वंगु दु । सेनायात थौं माओवादी सरकारया मातहत तये फत धाःसा कन्हय् कांग्रेस सरकारया मातहत नं च्वनीगु खः एमाले सरकारया मातहत नं तये फइगु खः । खालि माओवादीं यात धकाः जक पूर्वाग्रही जुइगु उचित मखु थें च्वं । थौं अज्याःगु बानी बसे याःसा जक कन्हय् नं व लागू हे जुयावनी । थौं याये मफुत धाःसा गबलें नं याये फइ मखु । पार्टीतय्सं मथूगु ला मखु थें च्वं ।
- हर्ष वज्राचार्य, ताहाचः, येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
