१७ औं तिलोत्तमा गोल्डकप फुटबल कासाय् आर्मी क्लब त्यात
बुटवल (झीगु स्वनिगः)
बुटवलय् न्ह्यानाच्वंगु १७ औं तिलोत्तमा गोल्डकप फुटबल धेंधेंबल्लाः कासा अन्र्तगत आइतवाः क्वचाःगु कासाय् साबिक विजेता नेपाल आर्मीं त्याकादीगु दु ।
जिल्ला फुटवल संघ रुपन्देहीया ग्वसालय् जूगु बुटवल १३ स्थित फिफा टेक्निकल सेन्टरया मैदानय् क्वचाःगु कासाय् रुपन्देही ११ यात छगूया विरुद्ध प्यंगू गोल यासें आर्मी त्याःगु खः ।
आर्मीया टंक बस्नेतं न्हापांगु हाफया ९ औं व १६ औं मिनेटय् यानाः दुई गोल याःगु दुसा दोस्रो हाफया निगूगु मिनेटय् विकर्ण श्रेष्ठं व १४ औं मिनेटय् अमृत बस्नेतं १ - १ गोल याःगु खः ।
उलेज्या कासाय् सहारा क्लब पोखरायात बुकुसें न्ह्यःने न्ह्याःगु रुपन्देही ११ घरेलु मैदानय् आर्मीया न्ह्यःने निरीह साबित जूगु खः । कासाया दोस्रो हाफया ३२ औं मिनेटय् रुपन्देही ११ या भीम दर्लामीं सान्त्वना गोल यायेत ताःलाःगु खः ।
कार्तिक १६ गतेतक्क न्ह्याइगु उगु धेंधेंबल्लाः कासाय् बंगलादेशया एक लिसे नेपाःया 'ए' डिभिजनया १२ टिमया ब्वति दुगु खः ।
स्वनिगलं पिनेया सर्वाधिक नगद धनराशी सिरपाः दुगु धेंधेंबल्लाः कासाया न्हापांगु सिरपाः १ लाख ५५ हजार ५ सय ५५ लिसे ल्यू सिरपाः ७७ हजार ७ सय ७७ तका धेबा तयातःगु दु । अथेहे दकले बांलाःम्ह कासामि दकले अप्वः गोल याःम्ह दकले बांलाःम्ह गोल रक्षकयात छसिकथं ५ हजार ५ सय ५५ तका धेबा लःल्हाइगु दु ।
More Stories Like this
एएफसी अण्डर १६ य् नेपाः सिरियालिसे २ - ० बुत शहीद स्मारक 'बि' डिभिजन लीगय् वीरगञ्ज व युथ क्लबं त्याकल जापान सेमि मिसा विश्वकपया फाइनलय् थ्यंकेत ताःलात थ्रीस्टार आर्मीनाप बुत विश्वकप फुटबल कासाया नितिं नेपाः छनौटय्
