नेपालं शारीरिक सुगठनय् ब्वति काइगु

येँ (झीगु स्वनिगः)

निक्वःगु डब्लु बी पीएफ विश्व मिजं शारीरिक सुगठन च्याम्पियनसिपय् नेपालं ब्वति काइगु जूगु दु । भारतया बनारसय् थ्वहे वइगु कात्र्तिक १० गतेनिसे १५ गतेतक्क न्ह्याइगु उगु धेंधेंबल्लाः कासाय् स्वम्ह कासामििपंसं ब्वति कायेत्यंगु दु ।

दयाराम दिवाकरं ५५ केजी सचित प्रधानं ६० केजी व श्याम श्रेष्ठं ६५ केजी तौल समूहय् धेंधेंबल्लाः यायेत्यंगु खः ।
फिसियलय् नेपाल शारीरिक सुगठन लिसे फिटनेस संघया न्हापांम्ह न्वकु विजयलाल कायस्थ लिसे प्रशिक्षकय् ज्ञानेन्द्र नकःमिं च्वनादीगु दु ।

नारायण प्रधान उदयबहादुर श्रेष्ठ दिनेश श्रेष्ठ लिसे पुष्प श्रेष्ठं धेंधेंबल्लाः कासाय् निर्णायकया भूमिका निर्वाह यानादीत्यंगु खँया जानकारी ब्यूगु दु ।

दुबईसं जूगु न्हापांगु धेंधेंबल्लाः कासाया न्हापांगु संस्करणय् नं नेपालं ब्वति कयादीगु खँया नं जानकारी ब्यूगु दु ।

सचितं उगु धेंधेंबल्लाः कासाय् ब्वति कयादीगु खःसा उगु इलय् वय्कःया धेंधेंबल्लाः कासाय् झिंनिम्हसिनं ब्वति कयादीगुलिइ सचित न्हय्गूगु थासय् लाकादीगु खः ।

More Stories Like this