राजनीतिक पंगः याकनं क्वचाइगु
येँ (झीगु स्वनिगः)
राष्ट्रपति डाक्टर रामबरण यादवं याकनं हे राजनीतिक पंगः क्वःचाइगु खँय् थः आशावादी दुगु बिचाः प्वंकादीगु दु ।
नेपाल भ्रमणय् वःगु अन्तर्राष्ट्रिय प्रेस काउन्सिलया पुचःलिसेया नापलाये ज्याय् म्हिगः डा. यादवं दलत सहलहसं दुगुलिं पंगः क्वचाइगु विश्वास प्वंकादीगु खः ।
विश्व प्रेस काउन्सिलया नायः जीएन रें स्वतन्त्र प्रेसं जक पहेदारीया ज्या यायेफइगु धयादिसें नेपाःया प्रेस स्वतन्त्रतायाबारे राष्ट्रपतिलिसे च्यूताः प्वंकादीगु खः ।
विश्व प्रेस काउन्सिलया कार्यसमितिया बैठकया नितिं नायः दुगु पुचः म्हीग येँय् थ्यंक झायादीगु खः ।
दच्छिया बजेट हयेगु तयारी
येँ (झीगु स्वनिगः)
साचारमन्त्री शंकर पोख्रेलं वंगु आर्थिक दँया नीति लिसे ज्याझ्वःकथं सरकारं दच्छिया बजेट हयेगु तयारी यानाच्वंगु धयादीगु दु ।
म्हिगः दाङ्गय् साचारकःमिपिंलिसे खँल्हाबल्हा यानादिसें मन्त्री पोखे्रलं राजीनामा बिइधुंकूगु सरकारं नीति लिसे ज्याझ्वः हयेमज्यूगु जूगुलिं पुलांगु हे नीति लिसे ज्याझ्वःकथं बजेट हयेगु तयारी यानाच्वंगु धयादीगु दु ।
वय्कलं आः हाकनं पेश्की बजेटया रुपं साधारण खर्च जक फ्यायेबलय् विकास निर्माणया ज्या समस्याय् लाइगु जूगुलिं दलतदथुइ सहमति जूसा कार्तिक १५ गतेदुने बजेट हइगु दाबी नापं यानादीगु खः ।
