प्रचण्डया भ्रमण पुचः वेइजिङ्गय्
येँ (झीगु स्वनिगः)
चीन भ्रमणय् दुगु एकीकृत नेकपा माओबादीया पुचः म्हिगः साँघाईपाखें राजधानी वेइजिङय् थ्यंगु दु । नायः प्रचण्ड नेतृत्वया पुचलं म्हिगः साँघाई एक्स्पोसं दुगु अमेरिका भारत रुस जर्मनी लगायत देय्या राष्ट्रिय पेभिलियनया भ्रमण यानाः बेईजिङ ब्वःगु माओबादी नेता कृष्णबहादुर महरां जानकारी बियादीगु खः ।
बेइजिङ थ्यंकेधुंकाः माओवादी पुचः व चिनियाँ उच्च अधिकारीतदथुइ थौं सहलह जुइगु नापं जानकारी बियादीगु दु । माओवादी पुचःयात राजधानी यंकेत चिनियाँ कम्युनिस्ट पार्टी वैदेशिक विभागया उपमन्त्री आई पिङ लगायतया नेतापिं साँघाई झायादीगु खः ।
