मूल्यवृद्धिया विकल्प मदु

येँ (झीगु स्वनिगः)

नेपाल आयल निगमं ग्यासया मूल्यवृद्धिया विकल्प मदुगु स्पष्ट याःगु दु ।

म्हीग याःगु छगू ज्याझ्वलय् निगमया प्रवक्ता मुकुन्द प्रसाद ढुङ्गेलं थिकय्क ग्यास न्यानाः दंक मिइ मफइगु धयादीगु खः । वय्कलं ग्यासय् मूल्य अभिवृद्धि करया कारण दँय्दँसं छगू अर्ब खुइखुगू करोड तका घाटा फयेमाःगु न्ह्यथनादिसें सरकारं उगु कर चीकूसा निगमं मूल्यवृद्धिइ हाकनं विचाः यायेफइगु धाःसा स्पष्ट यानादिल ।

उपभोक्ता हित संरक्षण माचया मू छ्याञ्जे ज्योति बानियां बारम्बार ग्यासया भाः थकयाः उपभोक्ता लुटय् यायेदइमखु धयादिसें मूल्यवृद्धि याःसा तच्वःगु आन्दोलन यायेगु ख्याच्वः नापं बियादीगु दु ।

ग्यास बिक्रेता महासङ्घया नायः ज्ञानेश्वर अर्यालं सर्वसाधारणं उपभोग याइगु अत्यावश्यक वस्तुइ मूल्य अभिवृद्धि कर तयेगु न्याय सङ्गत मजूगु न्ह्यःथनादिसें सर्वसाधारणया तुलनाय् उद्योगीतय्सं सच्छि व न्हय्तका ७० दंक ग्यास उपलब्ध जुइगु यानाच्वंगु धयादिल ।

More Stories Like this