नरःया नारांद्यः जात्रा

येँ (झीगु स्वनिगः)

गनं मदुगु जात्रा हाँडिगामय् धकाः तसकं बय्बय् जूगु जात्रा खः नरःगाँया जात्रा । म्हिगः थुगु जात्रा नं क्वचाःगु दु । ऐतिहासिक जात्राकथं कयातःगु थुगु जात्रा मानदेवया पालंनिसें न्ह्याःगु धइगु धापू स्थानीयबासीपिनिगु दु ।

चकते नारायण द्यःया थुगु जात्राय् पौ मदुगु शिखर शैली हिमाल पहाड व सिजःया गजू छिना दयेकातःगु थुगु जात्राय् स्वंगः खः दयेकाः थुगु जात्रा हनीगु खः ।

छसिकथं स्वंगः ख कथं बौ काय् व मांया रुपं थतु त्वाः न्यालम त्वाः व कोताल त्वाः थ्यंकाः थुगु जात्रा क्वचाइगु खःसा थुगु खः प्यन्हुलिपा तिनि स्यंकेगु याइसा न्हापा न्हापा थ्व जात्रा प्यन्हुयंक न्ह्याइगु जात्रा खः । तर आः वयाः थ्व जात्रा छन्हु जक न्यायेकेगु याइ ।
थुगु जात्राय् मदयेक मगाःगु व गनं मदुगु स्वाँ कथं सीस्वाँ अनिवार्य रुपं छ्यलेमाः । थ्व जात्रा नरःगाँया निगूगु तःधंगु जात्रा खः थनया न्हापांगु तःधंगु जात्रा तुँडालदेवीया जात्रा खः ।

थुगु जात्रा ल्हुति पुन्हिया कन्हय् खुन्हु अर्थात बालाजु मेलाया कन्हय् खुन्हुया िदंसं हनीगु निगूगु तःधंगु नरःगाँया जात्रा खः ।