खास्ति नेवाः पुचःपाखें न्हूदँ समिति नीस्वन
येँ (सन्ध्या टाइम्स)/येँया उत्तर पुर्वी लागाय् न्हूदँ तःजिक हनेगु निंतिं खास्ति नेवाः पुचःपाखें म्हिगः न्हूदँ समारोह समिति ११३१ नीस्वन ।
न्हय्म्ह दुजः दुगु उगु समितिया कजि माधव स्यस्यः जुयादीगु दुसा थीथी कवःया कजि कथं मोहन शाक्य (आर्थिक), दुर्गामान शाक्य (प्रचार प्रसार) कंचन श्रेष्ठ (स्वयंसेवक), तेजरत्न शाक्य दांभरि जुयादीगु दु। उकथं हे न्हूदँ समारोह समितिया ज्याकू छ्याञ्जेय् हरिलाल श्रेष्ठ अले सदस्य सचिवय् सुरेन्द्र बज्राचार्य च्वनादीगु दु। उगु समारोह समितिपाखें थीथी कथंया ज्याझ्वः यानाः नेपाल संवतया न्हूदँ तःजिक हनेगु जुइ धाःगु दु ।
