एपीएफ क्लबं प्रेुन्ड्स क्लबयात २-० बुकल

बुटवल (झीगु स्वनिगः)

बुटवलय् न्ह्यानाच्वंगु १७ औं तिलोत्तमा गोल्डकप फुटबल धेंधेंबल्लाः कासा अन्तर्गत म्हिगः जूगु उगु कासाय् एपीएफ क्लब शसस्त्र प्रहरीं त्याकेत ताःलाःगु दु । फेन्ड्स क्लब काठमाडौलिसे मैदानय् कुहाँवःगु एपीएफ २-० या गोल अन्तरं त्याःगु खः ।

एपीएफया बिजयी यात्राया नितिं जर्सी नं १४ या निराजन मल्लं कासा न्ह्याःगुया २२ औं लिसे ३३ औं मिनेटय् २ गोल याःगु खः ।

तसकं प्रतिष्पर्धात्मक रुपं जूगु उगु कासाय् निगुलिं टिमं गोल यायेगु बांलाःगु ह्वःताः आपालं तंकूगु खः ।
धेंधेंबल्लाः कासाया न्हापांगु हाफय् आक्रामक रुपं मैदानय् कुहाँवःगु एपीएफं गोल यायेधुंकाः निगूगु हाफय् पूर्ण रक्षात्मक कासा न्ह्यब्वःगु खः ।

जिल्ला फुटवल संघ रुपन्देहीया ग्वसालय् फिफा टेक्निकल सेन्टरया कासा मैदानय् जूगु म्हिगःया कासाय् फेन्ड्स क्लबया निम्ह कासामिपिंसं मासुगु कार्ड काःगु खः ।
धेंधेंबल्लाः कासाया उलेज्या कासाय् म्हीग रुपन्देही ११ पाखें सहारा क्लब पोखरायात १ -० अन्तरं बुकुगु खः।
थौं जुइगु साबिक बिजेता टिम नेपाल आर्मी क्लब व म्हीगया बिजेता टिम रुपन्देही ११ या दथुइ धेंधेंबल्लाः कासा जुइ ।

उगु धेंधेंबल्लाः कासाय् नेपाःया विभागीय स्वंगू टिम लिसे डिभिजन क्लब व बंगलादेशया छगू टिम यानाः मुक्कं झिंनिगू टिमया ब्वति दइगु जूगु दु ।

स्वनिगलं पिनेया दकले अप्वः धेबाया धनराशी सिरपाः दुगु उगु धेंधेंबल्लाः कासाया न्हापांगु सिरपाः छगू लाख न्यय्न्यार् ः लिसे ल्यू सिरपाः न्हय्न्हय् र् ः व न्हय्सः व न्हय्न्हय्तका धेबा दु ।

अथेहे उत्कृष्ट कासामि दकले अप्वः गोलकर्ता उत्कृष्ट गोल रक्षकयात छसिकथं न्याः व न्यासः व न्यय्न्यय्तका धेबा लःल्हाइगु जानकारी ब्यूगु दुसा उगु धेंधेंबल्लाः कासा थ्वहे वइगु कार्तिक १६ गतेतक्क न्ह्याइगु नं जानकारी ब्यूगु दु ।

More Stories Like this