लच्छितक्क न्ह्याइगु आदिनाथया मेला न्ह्यात
येँ (झीगु स्वनिगः)
येँया दक्षिणय् लाःगु चोभाःया आदिनाथ देगलय् प्रत्येक दँ लच्छितक्क न्ह्याइगु मेला म्हिगःनिसें न्ह्याःगु दु ।
कात्र्तिक शुक्ल पूर्णिमातक्क न्ह्याइगु उगु मेला म्हिगःनिसें न्ह्याःगु खः ।
प्राचीन इलंनिसें स्थानीयबासीया सकि्रयताय् न्ह्यानावयाच्वंगु मेलाय् ब्वति कायेत स्वनिगःया थीथी थाय्पाखें आपालं भक्तजनपिनिगु ब्वति दुगु खः ।
थ्व लच्छितक्क न्ह्याइगु मेलाज्वःछि देगलय् दर्शन यायेबलय् कुष्ठ ल्वय् लगायतया मेमेगु ल्वय्पाखें मुक्त जुइगु व छेँजलय् सुख शान्ति कायम जुयाः जीवनय् मान व यश प्राप्त जुइगु स्थानीयबासी शिशिर धितालं जानकारी बियादीगु खः । लिच्छवीकालीन इलय् निर्माण जूगु आदिनाथया देगलय् बच्छि नर व नारीया आकृतिइ प्रतिविम्वित मूर्ति दुसा थुगु देगलय् हिन्दु व बौद्ध धर्मावलम्बीं मेला वनेगु परम्परा दु ।
