मनमैजुइ नेवाः संघ

नेपाल लोकतान्त्रिक नेवाः संघं येँया मनमैजुइ थःगु संगठन स्वंगु दु । असोज २५ गते जूगु छगू भेलाया दथुइ संघया मनमैजु गां कचाः निस्वंगु खः ।

नेकपा (एमाले)या केन्द्रीय दुजः राजेन्द्र श्रेष्ठया मू पाहाँसुइ जूगु उगु मुनाय् वय्कलं नेवाः प्रदेश स्वनेगु अभियानय् नेवाःत संगठीत जुइ फःसा जक सफल जुइगुलिं नेवाः संघय् च्वना थ्व अभियानय् ग्वहालि यायेत इनाप यानादिल । उकथं हे उगु मुनाय् संघया केन्द्रीय दुजः व येँ इन्चार्ज हिरण्य साय्मि, नेवाः प्रदेश कमिटीया नायः राजेश शाक्य, संघया येँ जिल्ला न्वकू राकेश सिं व दुजः श्यामकृष्ण महर्जनपिंसं नेवाः संघ व नेकपा एमालेया दृष्टिकोणयात कयाः न्ववाःगु खः ।

उगु मुनां रविन महजर्नयात नायः ल्यःगु दुसाः न्वकू, छ्याञ्जे, दांभिरं पदय् छिसंकथं तुल्सि महर्जन, नारायण महर्जन, सूर्यलाल महर्जन व दुजलय् चन्द्रा महजर्न, दिलमाया महर्जन, सानुकाजि महर्जन, जितेन्द्र महर्जन, श्यामलाल महर्जन, सविन महर्जन व सानुकाजि महर्जनयात ल्यःगु दु ।

अथेहॆ एमाले मनमैजु गांया नायः लव कुमार वस्नेत, मोहन महर्जन, साइला महर्जन, धर्मनारायण महर्जन व शरीज मर्हजन दुथ्याःगु सल्लाहकार पुचः नं स्वंगु दु ।

More Stories Like this