विपिन्द्र महर्जन न्हूदँ समारोह समितिया न्हूम्ह नायः

ज्यापु महागुथिया नायः विपिन्द्र महर्जनया नायसुइ न्हूदँ समारोह समिति नेपाल संवत ११३१ गठन याःगु दु ।

नेपालभाषा मंका खलः, येँया ग्वसालय् आइतवाः क्षेत्रपाटी पार्टी प्यालेसय् ग्वसाःग्वःगु छगू ज्याझ्वलय् महर्जनया नेतृत्वय् झिम्ह दुजः दुगु कार्यसमिति नं ल्यःगु दु । उगु समितिया छ्याञ्जे कथं नरेशवीर शाक्य अथेहे शिला सायमि, सुशीला मानन्धर, सुष्मा राजभण्डारी, गजेन्द्रमान मानन्धर, निरन श्रेष्ठ, निरोज खड्गी, रामबहादुर डंगोल, मुकेश मास्के व दानदास श्रेष्ठ दुजः कथं च्वनादीगु दु ।

मंकाः खल:या नायः पद्मरत्न तुलाधारया सभापतित्वय् जूगु ज्याझ्वलय् न्हूदँ समारोह समितिया निवर्तमान नायः तिर्थराम डंगोलं थः नायः जूगु इलय् बिचाः या:कथं ज्या यायेमखंसां उगु इलय् ग्वाहालि याःपिं दक्वसितं सुभाय् बियादिल । ज्याझ्वलय् मंकाः खल:या नायः पद्मरत्न तुलाधर, न्हूदँ समारोह समितिया नायः विपिन्द्र मर्जहन व छ्याञ्जे नरेशवीर शाक्यं नं थःथःगु नुगः खँ प्वंकादीगु खः ।

(किपा : उदेन न्हूसायमि)

More Stories Like this