कोइरालापाखें विशेष बिचाः गोष्ठी ब्वति कायेगु बचं
नेवाः स्वायत्त राज्य मंकाः संघर्ष समितिं थौं सुथय् नेपाली कांग्रेसया सभापति सुशील कोइरालायात वय्कःया छेँ महाराजगञ्जय् नाप लानाः थ्वहे वइगु २६ गते राष्ट्रिय सभागृहय् जुइगु थौंया राष्ट्रिय परिस्थिति व नेवाः स्वायत्त राज्यया सम्बन्धय् राजनीतिक दलतय्गु दृष्टिकोण विषयक विशेष बिचाः गोष्ठी वयेत ब्वनापौ लःल्हाःगु दु ।
उगु इलय् कांग्रेसया १२ औं महाधिवेशनय् सभापति पदय् विजय जुयादीगुलिं कोइरालायात संघर्ष समितिया नायः दिलबहादुर श्रेष्ठं स्वांमाः क्वखायेकाः भिंतुना देछाना दिसें स्वास्थ्य प्रगतिया कामना नं यानादिल ।
सभापति कोइरालां संघर्ष समितिं २६ गते यायेत्यंगु विशेष गोष्ठीइ ब्वति कायेगु इच्छा दुगु तर स्वास्थ्यया समस्या दुसां उगु ज्याझ्वलय् थः न्ह्याथे यानाः जुसां उपस्थित जुइगु बचं बियादिल ।
सभापति कोइरालायात नापलायेत संघर्ष समितिया सल्लाकारलिसें कांग्रेस येँ जिल्ला समितिया सभापति भीमसेनदास प्रधानलिसें संघर्ष समिति सचिवालय कजि मल्ले के. सुन्दर, दुजःपिं नरेश ताम्राकार, सुजीव बज्राचार्य, गजेन्द्र मानन्धर, सत्यनारायण डंगोलिपं झायादीगु खः ।
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
